Nurtas Adambaı LGBT-ǵa qarsylyq bildirip, Toqaevtan "Bazz Laıter" mýltfılmine tyıym salýdy surady

5795
Adyrna.kz Telegram

Tanymal prodıýser Nurtas Adambaı Qasym-Jomart Toqaevtan Qazaqstanda áli prokatqa shyqpaǵan "Bazz Laıter" mýltfılmin kórsetýge tyıym salýdy surady, dep jazady "Adyrna" ultyq portaly. 

Nurtas Adambaı atalmysh mýltfılmde LGBT qatynastary nasıhattalady dep kópshilik aldynda málimdeme jasady. Onyń pikirinshe, kórsetilimge tyıym salý arqyly balalardy bir jynysty qatynastardan qorǵaýǵa bolady.

"Osyndaı fılmder men mýltfılmderdi kórsetýge tyıym salý elimizdiń ulttyq qaýipsizdiginiń úlken máselesi dep aıtsaq bolady. Osyndaı mýltfılmderdi kórsetýge tyıym salyp, úlgi bolyp otyrǵan 14 el sııaqty, bizdiń memleketimiz ózimizge jat qundylyqtardy balalarymyzǵa nasıhattaýǵa qarsylyǵyn bildirip,tyıym salý kerek. Biz balalarymyzdy áli qalyptaspaǵan sana-sezimine syrtqy kúshterdiń qolsuǵýshylyǵynan saqtaýymyz kerek. Biz jas kórermen balalarymyz ne kórip, ne kórmeıtinine baılanysty jaýapkershilikti moınymyzǵa alýymyz kerek. Elimizde soǵan tyıym salatyn zań kerek", - dep jazdy prodıýser óziniń ınstagram paraqshasynda. 

"Adyrna" ulttyq portaly

Pikirler