شىمكەنتتە وڭدەۋ ونەركاسىبىندە 50 كاسىپورىن اشىلادى

1750
Adyrna.kz Telegram

“مەملەكەت باسشىسى 2025 جىلعا قاراي وڭدەۋ ونەركاسىبىنىڭ ەكسپورتىن 1,5 ەسەگە كوبەيتۋدى تاپسىرعان بولاتىن. وسىعان وراي شىمكەنتتە 50-دەن استام ءىرى ينۆەستيتسيالىق جوبا ىسكە اسىرىلادى. بۇل جونىندە قالا اكىمى مۇرات ايتەنوۆ ورتالىق كوممۋنيكاتسيالار قىزمەتى الاڭىندا وتكەن بريفينگتە ءمالىم ەتتى.

«بۇل كاسىپورىندار جالپى اۋماعى 306 گەكتاردى قۇرايتىن «جۇلدىز» يندۋستريالىق ايماعىندا سالىنادى. بۇگىنگى تاڭدا ايماقتا ينجەنەرلىك ينفراقۇرىلىمنىڭ قۇرىلىسى جۇرگىزىلىپ جاتىر. مۇندا ماشينا جاساۋ، فارماتسەۆتيكا، مەتاللۋرگيا، جيھاز ونەركاسىبى، قۇرىلىس يندۋسترياسى سالالارىندا 50-دەن استام ءىرى جوبا ىسكە اسپاق. وعان 200 ملرد. تەڭگەدەن استام ينۆەستيتسيا تارتىلىپ، 5 مىڭعا جۋىق جاڭا جۇمىس ورىندارى اشىلادى. قازىرگى تاڭدا 100 ملرد. تەڭگە تۇراتىن 17 جوباعا جەر تەلىمدەرى ءبولىندى»،-دەدى اكىم.

بۇدان بولەك، ەل پرەزيدەنتى شاعىن جانە ورتا بيزنەستىڭ جالپى ونىمدەگى ۇلەسىن 2025 جىلعا قاراي 35 پايىزعا كوبەيتۋدى تاپسىرعان بولاتىن. قالا اكىمى وسى ماقساتتا شىمكەنت قالاسىندا تاعى دا ءبىر «ستاندارت» جەكە يندۋستريالدى ايماعى اشىلاتىنىن جەتكىزدى. مۇندا شاعىن جانە ورتا بيزنەس سۋبەكتىلەرى شوعىرلاندىرىلادى. اۋماعى 118,9 گەكتاردى قۇرايتىن جەكە يندۋستريالىق ايماقتا 176 مىڭ ش.م دايىن وندىرىستىك الاڭدار، ونىڭ ىشىندە 64 مىڭ ش.م قويما الاڭدارىن سالۋ جوسپارلانىپ وتىر.

 

پىكىرلەر