ورتالىق كوممۋنيكاتسيالار قىزمەتى الاڭىندا وتكەن بريفينگتە شىمكەنت اكىمى م.ايتەنوۆ حالىقتىڭ تابىسىن ارتتىرا ءتۇسۋ ءۇشىن ءوندىرىس ورىندارى سانىن ارتتىرۋ جۇمىستارى قولعا الىنعانىن جەتكىزدى.
- بۇل باعىتتا بيىل 16 ينۆەستيتسيالىق جوبانى ىسكە قوسۋ جوسپارلانعان. ينۆەستيتسيا كولەمى 52,3 ملرد. تەڭگەنى قۇراپ، 1 مىڭنان استام جاڭا جۇمىس ورنى اشىلادى. بۇگىنگى تاڭدا جوسپارلانعان 5 كاسىپورىن ىسكە قوسىلدى. ولاردىڭ ىشىندە ورتالىق ازيادا تەڭدەسى جوق «KazAlPack» جشس «اليۋميني بانكىلەرىنىڭ ءوندىرىسى» جوباسىن اتاپ وتكىم كەلەدى. جوبا قۇنى 23,4 ملرد. تەڭگەنى قۇرايدى. جاڭادان 145 جۇمىس ورنى اشىلدى. وندا جىلىنا 500 ملن. دانا اليۋميني بانكىلەرىن شىعارۋ جوسپارلانۋدا. وندىرىلگەن ءونىم ەلگە كەلگەن يمپورتتىڭ 60%-ىن الماستىرادى، - دەدى ول.
جالپى قالاداعى 4 يندۋستريالدى ايماقتا 185,3 ملرد.تەڭگەگە130 جوبا ىسكە اسىرىلىپ، 8,3 مىڭنان استام جاڭا جۇمىس ورنى قۇرىلدى.
