ءبىرتانوۆ: "بۇل ءىستىڭ ويدان شىعارىلعانى بۇكىل ەلگە ءمالىم بولادى"

1895
Adyrna.kz Telegram
فوتو: اشىق دەرەككوز
فوتو: اشىق دەرەككوز

بۇرىنعى دەنساۋلىق ساقتاۋ ءمينيسترى ەلجان ءبىرتانوۆ بيلىك دەنساۋلىق ساقتاۋدىڭ اقپاراتتىق جۇيەلەرىن اقپاراتتاندىرۋ جانە ينتەروپەرابەلدىلىك پلاتفورماسىن نەلىكتەن ىسكە قوسپايتىنىن ايتتى، دەپ حابارلايدى "ادىرنا" ۇلتتىق پورتالى "Ulysmedia.kz"-كە سىلتەمە جاساپ.

"رۇقسات بەرمەيدى [ىسكە قوسۋعا]. پلاتفورما الدا-جالدا ىسكە قوسىلار بولسا، بۇل ءىستىڭ باسىنان اياعىنا دەيىن ويدان شىعارىلعانى بۇكىل ەلگە ءمالىم بولادى. بۇل قۇقىق قورعاۋ جۇيەسى مەن قارجىلىق مونيتورينگ اگەنتتىگى ءۇشىن اقىرزامان، داعدارىس بولماق", – دەدى ەلجان ءبىرتانوۆ.

ەستەرىڭىزگە سالا كەتەيىك، 2020 جىلدىڭ 25 ماۋسىمىندا ەلجان ءبىرتانوۆ دەنساۋلىق ساقتاۋ ءمينيسترى قىزمەتىنەن بوساتىلدى. ول 2020 جىلدىڭ قاراشاسىنان بەرى ۇيقاماقتا وتىر.

تەرگەۋ ورگاندارىنىڭ مالىمەتىنشە، ءبىرتانوۆ پەن ونىڭ بۇرىنعى ورىنباسارى ولجاس ابىشەۆ شەتەلدىك كومپانيادان جۇمىس ىستەمەيتىن "دەنساۋلىق ساقتاۋدىڭ اقپاراتتىق جۇيەلەرىن اقپاراتتاندىرۋ جانە ينتەروپەرابەلدىلىك پلاتفورماسىن" قابىلداپ، ىسكە قوسۋ ارقىلى قىزمەت بابىن اسىرا پايدالانعان.

بۇدان بۇرىن ەلجان ءبىرتانوۆ ءوزىنىڭ نە ءۇشىن ايىپتالعانىن ەشكىم تۇسىنبەيتىنىن، ءتىپتى سۋديا دا ايىپتىڭ ءمانىن ناقتى ايتا المايتىنىن مالىمدەگەن ەدى.

 

"ادىرنا" ۇلتتىق پورتالى

پىكىرلەر