Burynǵy densaýlyq saqtaý mınıstri Eljan Birtanov bılik densaýlyq saqtaýdyń aqparattyq júıelerin aqparattandyrý jáne ınteroperabeldilik platformasyn nelikten iske qospaıtynyn aıtty, dep habarlaıdy "Adyrna" ulttyq portaly "Ulysmedia.kz"-ke silteme jasap.
"Ruqsat bermeıdi [iske qosýǵa]. Platforma alda-jalda iske qosylar bolsa, bul istiń basynan aıaǵyna deıin oıdan shyǵarylǵany búkil elge málim bolady. Bul quqyq qorǵaý júıesi men Qarjylyq monıtorıng agenttigi úshin aqyrzaman, daǵdarys bolmaq", – dedi Eljan Birtanov.
Esterińizge sala keteıik, 2020 jyldyń 25 maýsymynda Eljan Birtanov Densaýlyq saqtaý mınıstri qyzmetinen bosatyldy. Ol 2020 jyldyń qarashasynan beri úıqamaqta otyr.
Tergeý organdarynyń málimetinshe, Birtanov pen onyń burynǵy orynbasary Oljas Ábishev sheteldik kompanııadan jumys istemeıtin "Densaýlyq saqtaýdyń aqparattyq júıelerin aqparattandyrý jáne ınteroperabeldilik platformasyn" qabyldap, iske qosý arqyly qyzmet babyn asyra paıdalanǵan.
Budan buryn Eljan Birtanov óziniń ne úshin aıyptalǵanyn eshkim túsinbeıtinin, tipti sýdıa da aıyptyń mánin naqty aıta almaıtynyn málimdegen edi.
"Adyrna" ulttyq portaly
