شەتتەن كەلگەن قانداستار ماسەلەسى نازاردان تىس قالمايدى

3200
Adyrna.kz Telegram

ورالماندار ماسەلەسى بۇگىنگى كۇنى "باس اۋىرتار"  ماسەلەنىڭ ءبىرى بولدى.  اسەرەسە قىتاي ەلىنەن كەلگەندەر ءۇشىن ىقتيارحات الۋ مەن تىركەۋ ۋاقىتىن وتكىزىپ الۋ، وزبەكستان ەلىنەن كەلەتىندەر ءۇشىن ارنايى دەپوزيت اشىپ، قورىندا 1 ميليوننان استام قاراجاتى بولۋى ءتيىس دەگەن تالاپ تب. بۇعان قوسا جەڭ ۇشىنان جالعاسىپ جاتقان سىبايلاستىق  تا ءوز كەسىرىن تيگىزۋدە. وسى  رەتتە الماتى قالاسى ىشكى ساياساتى باسقارماسىنىڭ قولداۋىمەن  "ادىرنا  ۇلتتىق ەتونوگرافيالىق بىرلەستىگى"  ارنايى Qandastar kz جوباسىن قولعا الدى.  وسى باعىتتىڭ ىزىمەن  "جەدەل جەلى" قىزمەتى ىسكە قوسىلعاندى. "جەدەل جەلىنىڭ" نەگىزگى ماقساتى ەلىنە كوشىپ كەلگەن  قانداستارعا  زاڭدىق قۇقىقتىق، تىلدىك كۋرستىق كومەكتەردى تەگىن ۇسىنۋ. جەدەل جەلىنىڭ سەنىم ءنومىرى 8778 808 77 08 

قانداستار اتى ايتىپ تۇرعانداي، باسقا ەلدەن كوشىپ كەلگەن قانداستارىمىزدىڭ ماسەلەسىنە ارنالادى.  قانداستار جوباسى 3 باعىت بويىنشا قانداستارىمىزعا قىزمەت ۇسىناتىن بولادى. جوبا اياسىندا قانداستار سايتى دا ىسكە قوسىلعاندىعىن دا ايتا كەتەيىك  http://qandastar.kz/   سايتىنا كىرىپ،  زاڭدىق تۇرعى دا زارداپ شەگۋشى ءوز ارىزىن سايتقا  جازىپ  كەتە الاتىندىعىن ەسكەرتە كەتكىمىز كەلەدى.  ال جوبا اياسىنداعى قىزمەت تۇرلەرىنە ءبىرىنشى زاڭگەرلىك كومەك بولماق.  "كەش" قۇقىق قورعاۋ ورتالىعىنىڭ باسشىلىعى مەن جۇزەگە اساتىن بۇل باعىتتا ەلگە ورالعان ءار ادامعا تەگىن زاڭدىق تۇرعى دا كەڭەس بەرىلەدى.

 "كەش" قۇقىق قورعاۋ ورتالىعىنىڭ ديرەكتورى  كامشات ەسمۇحانبەتقىزى :

ەلىمىزگە ورالىپ جاتقان باۋىرلارىمىزدىڭ ەڭ جاندى جەرى، ازاماتتىق الۋى. وسى تۇرعىدا سەنىم تەلەفونى بار. ەلىمىزدىڭ ءار ايماعىندا تۇرىپ وسى نومىرگە  حابارلاسىپ كوكەيىندەگى سۇراقتارعا جاۋاپ الا الادى. بىراق ءبىز تەك كەڭەس بەرىپ،  زاڭدى ءتۇسىندىرىپ جول كورسەتۋمەن عانا شەكتەلەتىندىگىمىزدى ەسكەرتە كەتكىم كەلەدى.

تاعى ايتا كەتەرلىگى ءتىل جاعىنان قينالاتىن جاستارعا ارناپ ورىس ءتىلى  كۋرسىن اشىلماقشى.  قازاقستان تاۋەلسىزدىك العانىنا ءبىرشاما جىل بولعانىنا قاراماستان ورىس ءتىلى ءالى دە كۇن تارتىبىنەن تۇسپەي تۇر. ەگەر قوعامدىق جۇمىستارعا جۇمىسقا تۇرار بولساڭىز، مىندەتتى تۇردە ەكى ءتىلدى قاتار ءبىلۋ مىندەتتەمەلەرى كەزدەسىپ قالادى

ادىلعازى سامال (قىتاي ەلىنەن كەلگەن ستۋدەنت)

قازاقستانعا كەلگەن دە قاتتى قينالعانىم وسى ورىس ءتىلى بولدى. ءتىپتى كوشەدە ءجۇرىپ، قازاق تىلىندە وزىمە كەرەك مەكەن-جايدى سۇراي المايتىن ەدىم، قاشان قازاق كەزدەسكەنشە. كۋرسقا تولىق قاتىسىپ تۇراتىن بولامىن. ارينە قىسقا ۋاقىت ىشىندە ۇيرەنىپ كەتپەسىم انىق. بىراق  تىلىم جاتتىعا بەرەتىنە قۋانىشتىمىن.

كوڭىل قۋانتارلىعى، ەلىمىزگە ورالىپ جاتقان قانداستارىمىزدىڭ كوبى كاسىبىن اشىپ، شارۋاسىن  دوڭگەلەتىپ جاتىر. ال كاسىبىن  باستاماقشى  قانداستارعا ارناپ "كاسىپكەرلىككە وقىتۋ" ساباعى دا ءدال ورىس تىلىندەگىدەي ساعاتتا اپتا سايىن  وتكىزىلمەكشى.

قانداستارعا ارنالعان جوبانىڭ ۇيىمداستىرۋشىسى الىشەر وماردىڭ ايتۋىنا قاراعاندا بۇل جوبا ەگەر  ءوز ناتيجەسىن كورسەتىپ جاتسا، تۇراقتى تۇردە جۇزەگە اسىرىلۋى دا مۇمكىن. ال ازىرگە مۇمكىندىك شەكتەۋلى بولعاندىقتان، بەلگىلەنگەن مەرزىمىنەن اسا المايتىندىعىن جانە وسى كۋرستاردىڭ تەك الماتى قالاسىندا دا عانا  وتكىزىلەتىندىگىن  باسا ايتتى. ەگەر كۋرسقا قاتىسىپ ساباق الامىن دەسەڭىز، مىنا نومىرگە حابارلاسىپ الدىن الا جازىلۋ كەرەكتىگىن ەسكەرتەمىز. 8775 278 57 17      8708 8521337


ايدا قوجمامبەت

پىكىرلەر