سىبايلاس جەمقورلىققا قارسى قىزمەت "وپەراتور روپ" جشس-ءنىڭ بۇرىنعى قۇرىلتايشىسى شنار مۇقتاروۆاعا ىزدەۋ جاريالادى، دەپ حابارلايدى "ادىرنا" ۇلتتىق پورتالى "Orda.kz" -كە سىلتەمە جاساپ.
بارلىق قالدىقتاردى جيناۋ، تاسىمالداۋ، وڭدەۋ جانە كادەگە جاراتۋ بويىنشا كومپانيانىڭ باستاۋىندا جالعىز قۇرىلتايشىسى ءاليا نازارباەۆا تۇرعان. 2015 جىلى 30 قاراشادا «وپەراتور روپ» جشس قۇرىلدى. بىرنەشە ايدان كەيىن شنار مۇقتاروۆا مەن جالعىز يەسى مۇقتاروۆا بولىپ تابىلاتىن «Eco Waste Solutions» جشس جاڭا قۇرىلتايشىلارى بولدى.
كوشەدەگى ادام ءاليا نازارباەۆانىڭ جاڭا مەنەدجەرى بولا المايدى. ەليتا مۇشەلەرى كاسىپورىندى سەنىمدى ادامداردىڭ قولىنا بەرەدى. بۇل جولى دا سولاي بولسا كەرەك.
شنار مۇقتاروۆا روپ وپەراتور كومپانياسىنىڭ جالعىز رەسمي يەسى بولعانعا دەيىن قازاقستاننىڭ تۇڭعىش پرەزيدەنتىنىڭ كەنجە قىزىنىڭ حاتشىسى بولىپ جۇمىس ىستەگەن.
«وپەراتور روپ» جشس-ءنىڭ بۇرىنعى قۇرىلتايشىسى شنار مۇقتاروۆا 2017-2018 جىلدارى ەكولوگيالىق كودەكس تالاپتارىن بۇزدى دەگەن كۇدىككە ءىلىندى. انتيكوردىڭ ايتۋىنشا، ول اقشانى كادەگە جاراتۋ اقىسىنا يەمدەنگەن. وعان ديۆيدەند تۇرىندە 920 ملن تەڭگە زاڭسىز تولەنگەن.
شنار مۇقتاروۆاعا ىزدەۋ جاريالانىپ، سوت وعان قاتىستى «قاماۋ» تۇرىندەگى بۇلتارتپاۋ شاراسىنا سانكتسيا بەردى. ول تۋرالى مالىمەت ءۇشىن انتيكور 4000 اەك-كە دەيىن نەمەسە 12,7 ملن تەڭگەدەن استام سىياقى ۋادە ەتتى.
"ادىرنا" ۇلتتىق پورتالى.
