«Tabysyŋdy özıŋe jūmsama!»

24 mausym künı Qostanai qalasynda «Jastar resurstyq ortalyǧynda» «Jastarǧa mümkındık» taqyrybynda kezdesu öttı. Kezdesu «Jastardy äleumettendıru jäne oŋaltu» jobasy aiasynda jalǧasyn tapty. Joba jastardyŋ jūmys jäne oquǧa kelgende belsendılık tanytpau sebepterı, jobalyq keŋse tarapynan jastarǧa kömek beru jäne käsıbi baǧdarlau türlerı, NEET jastarynyŋ qordalanǧan mäselelerınıŋ şeşu joldaryn qarastyruǧa baǧyttalǧan. Jastardy bolaşaq ömırlık josparlaryna yntalandyru jäne şyǧarmaşylyq äleuettı damytu maqsatynda qaladaǧy beldı käsıpker, restorator Nūrmahan Sopbekov jastarǧa mansap jäne jeke ösu üşın ömırlık daǧdylardy damytudaǧy täjıribelerı men jıbergen qatelıkterı jönınde aityp berdı.

«Oqu bıtıre sala biznes aşamyn degen qate tüsınık. Kez-kelgen adam kompaniia blsyn, memlekettık jūmys bolsyn kollektivpen jūmys ıstep köru kerek. Bırınşı etaptan ötpeseŋ biznes aşa almaisyŋ. Bır jerde tūraqty jūmys ısteudı üirenu kerek.», - deidı käsıpker.

Odan bölek, biznes aşudaǧy qyr-syrlary men basynan ötken qiyndyqtary jaily aityp berdı. Bızdıŋ eŋ ülken qatelık alǧaş tapqan tabysty özımızge jaratuymyz. Kez-kelgen ıste ainalymǧa kelgenşe özıŋdı, şyǧynyŋdy tejei tūru kerek degen keŋes aitty.  

 «Eşqaşan öz ısıŋdı bastaudan qoryqpaŋyzdar. Eŋ bastysy - Sızdıŋ naqty armanyŋyz ben maqsatyŋyz, özıŋızge degen senım boluy kerek. Arman men senım jetıstıkke jetkızedı. Alaida, eŋ ülken motivasiia - Arman. Eŋ küştı qaru – Senım.», - deidı käsıpker.

Kezdesu barysynda bügıngı künı eŋbek naryǧyndaǧy qajettı mamandyqtar jäne qai salany belsendı damytu kerek, jastardy käsıpkerlık qyzmetke oqytu, käsıpkerdıŋ qajettı daǧdylary, jastarǧa berılgen mümkındık pen sony qalai dūrys paidalanu kerektıgı jaiynda söz bolady.