«پاۆلودار-قىزىلوردا» تاسجولىنىڭ 25-ءشى شاقىرىمىندا جانتۇرشىگەرلىك جول اپاتى بولدى، دەپ حابارلايدى «ادىرنا» ءتىلشىسى.
وبلىستىق دەنساۋلىق ساقتاۋ باسقارماسىنىڭ حابارلاۋىنشا، ەكى كولىك سوقتىعىسىپ، بىرەۋى ورتەنىپ كەتكەن. وقيعا ورنىنا جەدەل جاردەمنىڭ ەكى بريگاداسى جۇمىلدىرىلدى.
«ءۇش ادام زارداپ شەكتى. 35 جاستاعى ەر ادامنىڭ ومىرتقا سۇيەگى سىنعان، ال 23 جاستاعى ەر ادامدا جابىق باسسۇيەك-مي جاراقاتى انىقتالدى. ەكەۋى دە پاۆلودار قالاسىنىڭ №1 قالالىق اۋرۋحاناسىنا جاتقىزىلدى. 36 جاستاعى جولاۋشىنىڭ دەنەسى كۇيىپ كەتكەن. ونىڭ جەكە باسىن انىقتاۋ مۇمكىن بولمادى»،— دەلىنگەن حابارلامادا.
