«سامۇرىق-قازىنا» قورى كاسىپورىندارى بار وڭىرلەردە قايىرىمدىلىق قىزمەتىن كۇشەيتەدى.
بۇل تۋرالى «Samruk-Kazyna Trust» قورىنىڭ باس ديرەكتورى الفيا اديەۆا «سامۇرىق-قازىنا» اق قوعامدىق كەڭەسىندەگى ەسەبىندە ءمالىم ەتتى.
«Samruk-Kazyna Trust» الەۋمەتتىك جوبالاردى دامىتۋ قورى «سامۇرىق-قازىنا» اق كومپانيالار توبىنىڭ قايىرىمدىلىق قىزمەتىنىڭ بىرىڭعاي وپەراتورى قىزمەتىن ورىندايدى. الەۋمەتتىك جانە مەديتسينالىق سەكتورلاردا حالىققا كومەك كورسەتۋ، مادەني قوعامداستىقتى جانە ادامي الەۋەتتى دامىتۋ، ەڭبەك قاتىناستارىن نىعايتۋ جانە قوعامنىڭ تۇراقتى دامۋىنا ينۆەستيتسيالار، توپ كومپانيالارى قاتىساتىن وڭىرلەردە الەۋمەتتىك ينۆەستيتسيالار باعدارلامالارىن ىسكە اسىرۋ قوردىڭ باسىم باعىتتارى سانالادى.
«بيىلدان باستاپ قايىرىمدىلىق جوبالارىن ىسكە اسىرۋ كەزىندە ولاردىڭ 30%-ىندا جالپى ەلدىك ماسەلەلەرگە كوڭىل بولىنسە، ال 70%-ىندا «سامۇرىق-قازىنا» اق كومپانيالارى بار وڭىرلەردەگى الەۋمەتتىك ينۆەستيتسيالار باعدارلامالارىنا باسىمدىق بەرىلەدى»، - دەپ جەتكىزدى الفيا اديەۆا.
