25 ماۋسىمدا سانكت-پەتەربۋرگتە الەكساندر لۋكاشەنكو مەن ۆلاديمير پۋتين كەزدەستى.
لۋكاشەنكو پۋتينمەن قورعانىس ماسەلەلەرىن تالقىلاۋ ماڭىزدىلىعىن اتاپ ءوتتى.
ء“بىزدى كورشىلەرىمىزدىڭ جۇرگىزىپ وتىرعان ساياساتىنىڭ سالدارىنان تۋىنداعان جاعدايلار الاڭداتىپ وتىر. ايتىپ وتىرعانىم پولشا مەن ليتۆا ەلدەرى. ولار بىزگە قارسىلىق تانىتقىسى كەلەدى. ولار سىزگە دە قىر كورسەتكىسى كەلەدى. ماسەلەن، ۋكرايناداعى جاعدايدى الىپ قارايىق، سوڭعى كەزدەرى ول جاقتا پولشادان كەلگەن جالدامالى جاۋىنگەرلەر كوبەيىپ كەتتى. مۇنداي ساياسات ۇستانۋدىڭ نە قاجەتى بار؟ ولاردىڭ ارتىندا الدەكىمدەردىڭ تۇرعانى بەلگىلى. دەگەنمەن مۇنداي ساياسات جيىركەنىشتى، ءىس-قيمىلدارى اگرەسسيۆتى
ليتۆانىڭ ارەكەتتەرى وسىنداي. سوڭعى كەزدەرى ولاردىڭ رەسەيدەن بەلارۋس ارقىلى كالينينگرادقا ترانزيتتىك تاسىمالداۋدى توقتاتۋ، كالينينگرادتى وقشاۋلاۋ جوسپارى تۋرالى اقپارات لەگى تارالۋدا. بۇل سوعىس جاريالاۋمەن بىردەي، قازىرگى كەزدە مۇنداي دۇنيەلەرگە جول بەرۋگە بولمايدى”، – دەيدى لۋكاشەنكو.
سونىمەن قاتار بەلارۋس باسشىسى اقش پەن ناتو ۇشاقتارىنىڭ وقۋ-جاتتىعۋ شارالارىن جۇرگىزۋىنە الاڭداۋلى ەكەنىن جەتكىزدى.
"بۇل ءبىزدى ۇرەيلەندىرەدى. سوندىقتان سىزدەن وسى جاعدايلارعا قاراما-قايشى جاۋاپ قايتارۋ ماسەلەسىن قاراستىرۋدى سۇرايمىن. ولار يادرولىق زىمىرانداردى تاسىمالداۋ بويىنشا جاتتىعۋ جۇرگىزۋدە. مۇمكىن بولسا، بىزگە كەم دەگەندە يادرولىق قارۋدى تاسىمالداي الاتىن ۇشاعىمىزدى بەيىمدەۋگە كومەكتەسىڭىز. ارينە، ەرتەڭ كۇنى يادرولىق قارۋدى جەتكىزەمىز دەگىم كەلمەيدى، بىراق ءبىز ساقاداي ساي وتىرۋىمىز قاجەت. "1941 جىلى دا ءبارى جاقسى بولادى، ءبارى تىنىش، ەشكىم شابۋىل جاسامايدى" دەپ ۇيىقتاپ جاتىپ ەدىك قوي.
بىراق سوڭىندا ەشنارسە دە دايىن ەمەس بولىپ شىقتى. سوندىقتان بۇل ءبىزدى ويلاندىراتىن جاعداي. بۇل سۇراقتى الدىڭىزدا ءبىرىنشى رەت كوتەرىپ جاتقان جوقپىن. ءسىزدىڭ قورعانىس مينيسترلىگىندە نە تالقىلاعانىڭىزدى بىلەمىن. ەندى جاعدايدىڭ قالاي ءوربيتىنىن ەستىگىم كەلەدى. بارىنە دايىن بولۋىمىز كەرەك دەگىم كەلەدى. تىپتى برەستتەن ۆلاديۆوستوكقا سوزىلعان وتانىمىزدى قورعاۋ ءۇشىن اۋىر قارۋ قولدانۋعا دا ءازىر بولعانىمىز ءجون. امەريكالىقتار قاجەت بولماسا، ناتو-داعى سەرىكتەستەرىن پايدالانىپ، نە ءۇشىن دايىندىق جۇرگىزىپ جاتىر دەپ ويلايسىز؟” – دەپ قوستى ول.
پۋتين ەۋروپاداعى ناتو-نىڭ 6 ەلىندە امەريكالىقتاردىڭ 200 تاكتيكالىق يادرولىق قارۋى جانە ولاردى قولدانۋعا ارنالعان 257 ۇشاعى بار ەكەنىن ايتتى. بۇعان قوسا ول سۋ-25 ۇشاعىن جابدىقتاۋدى ۇسىنىپ، بەلارۋس "يسكاندەر-م" تاكتيكالىق زىمىراندىق كەشەندەرىن يە بولاتىنىن قوستى.
"ازىرگە ناتو ۇشاقتارىنىڭ بەلارۋس اسپانىندا جۇرگىزىپ جاتقان وقۋ-جاتتىعۋ شارالارىنا جاۋاپ بەرۋ قاجەت ەمەس. بەلارۋس ارمياسى سۋ-25 ۇشاقتارىنا يە، قازىر ولاردى قايتا جابدىقتاپ، ۇشقىشتار قۇرامىن وقىتۋدى باستاۋعا بولادى. كەلىسكەنىمىزدەي، الداعى بىرنەشە ايدىڭ ىشىندە رەسەي بەلارۋس ەلىنە قاراپايىم جانە يادرولىق نۇسقاداعى بالليستيكالىق جانە قاناتتى زىمىرانداردى دا قولدانا الاتىن "يسكاندەر-م" تاكتيكالىق زىمىران جۇيەلەرىن بەرەمىز”، – دەدى ول.
بۇعان قوسا رەسەي پرەزيدەنتى وداقتاس ەلدەردى قۇرۋ جايلى ايتتى.
“ارينە، وداقتاس ەلدەردى قۇرۋ تۋرالى سۇراقتار كۇن تارتىبىندە تۇر. قازىر جاۋاپتى ۆەدومستۆولارمەن ءبارىن ايقىنداپ قويدىق، ەندى ولاردى قالاي ىسكە اسىراتىنىمىز جايلى ويلانۋىمىز كەرەك”، – دەدى پۋتين.
“ادىرنا” ۇلتتىق پورتالى
