الماتىدا اقپارات جانە قوعامدىق دامۋ ءمينيسترى اسقار وماروۆتىڭ قاتىسۋىمەن باق جونىندەگى زاڭ جوباسى تالقىلانىپ جاتىر.
بۇعان دەيىن باق جونىندەگى زاڭدى تالقىلاۋدىڭ العاشقى وتىرىسى وتكەن بولاتىن. جۇمىس توبىنىڭ قۇرامىنىڭ 63 مۇشەسى بار.
ءمينيستردىڭ ايتۋىنشا، زاڭ جوباسى اياسىندا نەگىزىنەن ءجۋرناليستىڭ مارتەبەسى، قۇقىقتىق قورعالۋى، مەملەكەتتىك تاپسىرىس جانە باسقا تاقىرىپتار بويىنشا تالقىلاۋ ءجۇرىپ جاتىر.
جۇمىس توبىنىڭ 63 مۇشەسىنەن وزگە ساراپشىلار دا قاتىسىپ جاتىر. ساراپشى بولىپ قاتىسۋعا ەشقانداي شەكتەۋ جوق، بارى قاتىسا الادى. باق جونىندەگى زاڭ ايقىن تالقىلانۋ كەرەك،-دەدى وماروۆ.
مينيستر سونداي-اق الەۋمەتتىك جەلىنى قولدانۋشىلار دا اقپارات تاراتۋمەن اينالىسىپ جاتقانىن ايتا كەلە، ولارعا دا ەرەكشە مارتەبە بەرۋ جاعىن قاراستىراتىندارىن جەتكىزدى.
قازىر الەۋمەتتىك جەلىدە كوپتەگەن پابليكتەر جۋرناليستەر سياقتى اقپارات تاراتىپ ءجۇر. جۇمىس توبىنداعىلار ولارعا باق كوممۋنيكاتسياسى دەگەن مارتەبەنى قايتارساق دەپ وتىر. ەكىنشى جاعىنان جۋرناليستەر ماماندىعى جوق ونداي الاڭدارمەن وزدەرىن شاتاستىرعىسى كەلمەيدى جانە بولەك جۋرناليستىك مارتەبە بەرۋلەرىن سۇراپ تۇر. تالقىلاۋدان كەيىن ءبىر توقتامعا كەلۋىمىز قاجەت،-دەدى ول.
ا. وماروۆ جۋرناليستەر نەگە باسپانا باعدارلاماسىنا جانە باسقا دا جەڭىلدىكتەرگە يە بولا الماي وتىرعانىن ايتتى.
قازىر جۋرناليستەردىڭ كەيبىرى مەملەكتتىك باق-تا ىستەسە، تاعى ءبىرى جەكە مەنگىكتە جۇمىس ىستەپ ءجۇر. قازىر جۋرناليست دەگەن كىم ەكەنىن ناقتىلاپ الۋىمىز كەرەك. جۋرناليستەردى الەۋمەتتىك باعدارلاماعا ەنگىزسەك، ەرتەڭ جالعان جۋرناليستەر كوبەيىپ كەتەدى. رەداكتسياعا تىركەلىپ، جالعان كۋالىك الىپ الاتىندار شىعادى. جۋرناليستىك ديپلومى بار ادام جۋرناليست پە، الدە وسى سالادا بەس جىلدان كەم ەمەس جۇمىس ىستەگەن ادام جۋرناليست پە؟ مىنە قازىر وسى جاعىن ناقتىلاپ الۋىمىز كەرەك،-دەدى مينيستر.
