Almatyda Aqparat jáne qoǵamdyq damý mınıstri Asqar Omarovtyń qatysýymen BAQ jónindegi zań jobasy talqylanyp jatyr.
Buǵan deıin BAQ jónindegi zańdy talqylaýdyń alǵashqy otyrysy ótken bolatyn. Jumys tobynyń quramynyń 63 múshesi bar.
Mınıstrdiń aıtýynsha, zań jobasy aıasynda negizinen jýrnalıstiń mártebesi, quqyqtyq qorǵalýy, memlekettik tapsyrys jáne basqa taqyryptar boıynsha talqylaý júrip jatyr.
Jumys tobynyń 63 múshesinen ózge sarapshylar da qatysyp jatyr. Sarapshy bolyp qatysýǵa eshqandaı shekteý joq, bári qatysa alady. BAQ jónindegi zań aıqyn talqylaný kerek,-dedi Omarov.
Mınıstr sondaı-aq áleýmettik jelini qoldanýshylar da aqparat taratýmen aınalysyp jatqanyn aıta kele, olarǵa da erekshe mártebe berý jaǵyn qarastyratyndaryn jetkizdi.
Qazir áleýmettik jelide kóptegen pablıkter jýrnalıster sııaqty aqparat taratyp júr. Jumys tobyndaǵylar olarǵa BAQ kommýnıkaııasy degen mártebeni qaıtarsaq dep otyr. Ekinshi jaǵynan jýrnalıster mamandyǵy joq ondaı alańdarmen ózderin shatastyrǵysy kelmeıdi jáne bólek jýrnalıstik mártebe berýlerin surap tur. Talqylaýdan keıin bir toqtamǵa kelýimiz qajet,-dedi ol.
A. Omarov jýrnalıster nege baspana baǵdarlamasyna jáne basqa da jeńildikterge ıe bola almaı otyrǵanyn aıtty.
Qazir jýrnalısterdiń keıbiri memlekttik BAQ-ta istese, taǵy biri jeke mengikte jumys istep júr. Qazir jýrnalıst degen kim ekenin naqtylap alýymyz kerek. Jýrnalısterdi áleýmettik baǵdarlamaǵa engizsek, erteń jalǵan jýrnalıster kóbeıip ketedi. Redakııaǵa tirkelip, jalǵan kýálik alyp alatyndar shyǵady. Jýrnalıstik dıplomy bar adam jýrnalıst pe, álde osy salada bes jyldan kem emes jumys istegen adam jýrnalıst pe? Mine qazir osy jaǵyn naqtylap alýymyz kerek,-dedi mınıstr.
