بقو تاۋ اۋىلدىق وكرۋگىنىڭ اكىمى نۇرلىبەك تورەشوۆ جول اپاتىنا ءتۇسىپ، كوز جۇمدى، دەپ حابارلايدى "ادىرنا" ۇلتتىق پورتالى "موي گورود"-قا سىلتەمە جاساپ.
جول-كولىك وقيعاسى كەشە، 23 ماۋسىم كۇنى جانىبەك-تالوۆكا جولىنىڭ 25-ءشى شاقىرىمىندا تاۋ اۋىلىنا جاقىن جەردە بولعان.
"اۋىل اكىمى رولگە يە بولا الماي، كولىگى شۇڭقىرعا اۋدارىلىپ كەتكەن. ول كولىكتە جالعىز بولعان. العان جاراقاتتارىنان وقيعا ورنىندا كوز جۇمدى. ءمايىت سوت-مەديتسينالىق ساراپتامادان ءوتۋ ءۇشىن مايىتحاناعا جىبەرىلدى، — دەلىنگەن بقو پوليتسيا دەپارتامەنتى حابارلاماسىندا.
34 جاستاعى نۇرلىبەك تورەشوۆتىڭ ارتىندا ايەلى مەن كىشكەنتاي ءتورت بالاسى قالدى.
"اۋىلدىق وكرۋگتەردىڭ ۇزدىك اكىمدەرىنىڭ ءبىرى بولدى. ونىڭ بويىندا جاقسى قاسيەتتەرى كوپ ەدى. بۇل ورنى تولماس قايعى. كەشە عانا ول مەملەكەتتىك قىزمەتشىلەر كۇنىنە ارنالعان بارلىق شارالارعا قاتىسقان. كوڭىلدى بولاتىن، بارلىعىمەن ازىلدەسەتىن", — دەيدى ارىپتەستەرى.
قازىرگى تاڭدا وسى وقيعاعا بايلانىستى قر قىلمىستىق كودەكسىنىڭ 345-بابىنىڭ 3-بولىگى «جول قوزعالىسى ەرەجەلەرىن بۇزۋ» بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
"ادىرنا" ۇلتتىق پورتالى
