BQO Taý aýyldyq okrýginiń ákimi Nurlybek Tóreshov jol apatyna túsip, kóz jumdy, dep habarlaıdy "Adyrna" ulttyq portaly "Moı gorod"-qa silteme jasap.
Jol-kólik oqıǵasy keshe, 23 maýsym kúni Jánibek-Talovka jolynyń 25-shi shaqyrymynda Taý aýylyna jaqyn jerde bolǵan.
"Aýyl ákimi rólge ıe bola almaı, kóligi shuńqyrǵa aýdarylyp ketken. Ol kólikte jalǵyz bolǵan. Alǵan jaraqattarynan oqıǵa ornynda kóz jumdy. Máıit sot-medıınalyq saraptamadan ótý úshin máıithanaǵa jiberildi, — delingen BQO polıııa departamenti habarlamasynda.
34 jastaǵy Nurlybek Tóreshovtiń artynda áıeli men kishkentaı tórt balasy qaldy.
"Aýyldyq okrýgterdiń úzdik ákimderiniń biri boldy. Onyń boıynda jaqsy qasıetteri kóp edi. Bul orny tolmas qaıǵy. Keshe ǵana ol Memlekettik qyzmetshiler kúnine arnalǵan barlyq sharalarǵa qatysqan. Kóńildi bolatyn, barlyǵymen ázildesetin", — deıdi áriptesteri.
Qazirgi tańda osy oqıǵaǵa baılanysty QR Qylmystyq kodeksiniń 345-babynyń 3-bóligi «Jol qozǵalysy erejelerin buzý» boıynsha sotqa deıingi tergeý amaldary júrgizilip jatyr.
"Adyrna" ulttyq portaly
