مەملەكەت باسشىسى قاسىم-جومارت توقاەۆ ەلدەگى ءتۇرلى ساياسي ويىنداردىڭ جولىن كەسۋ كەرەگىن ايتتى، دەپ حابارلايدى «ادىرنا» ۇلتتىق پورتالى.
"ەلىنىڭ دامۋىنا لايىقتى ۇلەس قوسقان قوعامدىق-ساياسي كوشباسشىلارىن، عىلىم جانە مادەنيەت قايراتكەرلەرىن قادىر تۇتپايتىن حالىقتىڭ كەلەشەگى دە بۇلىڭعىر بولماق. ءبىز، قازاق حالقى، ساياسي تۇلعالارىمىزدىڭ ەڭبەگىنە قۇرمەتپەن، پاراساتتىلىقپەن قاراۋىمىز قاجەت. بۇل – قازاقستاننىڭ تۇڭعىش پرەزيدەنتى نۇرسۇلتان ءابىشۇلى نازارباەۆتىڭ تۇلعاسىنا دا قاتىستى اقيقات. ونىڭ تاۋەلسىز ەلىمىزدى قۇرۋ ىسىنە سىڭىرگەن ەڭبەگىن بۇكىل الەم قاۋىمداستىعى مويىندادى. سوندىقتان تۇڭعىش پرەزيدەنتتىڭ تاريحي رولىنە قۇرمەتپەن قاراۋ – بارىمىزگە ورتاق مىندەت. ونىڭ ساياسي مۇراسىنا كەلەشەك ۇرپاق ادىلەتتى باعاسىن بەرمەك،" – دەدى مەملەكەت باسشىسى.
قاسىم-جومارت توقاەۆ قازىرگى ۇرپاق وكىلدەرى ەلىمىز ءۇشىن تاباندى جۇمىس ىستەۋى كەرەك ەكەنىن ايتتى.
ء"بىز ءبارىمىز حالىق رەتىندە، ەڭ الدىمەن، ەڭبەكقور بولۋىمىز قاجەت. ساياسي ويىندارعا توسقاۋىل قويعان ءجون. ءبىز وتكەنگە جالتاقتاماي، جارقىن بولاشاعىمىزعا زور سەنىممەن قادام باسۋىمىز كەرەك", - دەدى ول.
پوليتسەيلەردى كاسىبي مەرەكەسىمەن قۇتتىقتاعان مەملەكەت باسشىسى ولاردى ادال قىزمەت ەتىپ، جۇمىستىڭ جاڭا ۇلگىسىنە كوشۋ كەرەكتىگىن ايتتى.
«ادىرنا» ۇلتتىق پورتالى
