Memleket basshysy Qasym-Jomart Toqaev eldegi túrli saıası oıyndardyń jolyn kesý keregin aıtty, dep habarlaıdy «Adyrna» ulttyq portaly.
"Eliniń damýyna laıyqty úles qosqan qoǵamdyq-saıası kóshbasshylaryn, ǵylym jáne mádenıet qaıratkerlerin qadir tutpaıtyn halyqtyń keleshegi de bulyńǵyr bolmaq. Biz, qazaq halqy, saıası tulǵalarymyzdyń eńbegine qurmetpen, parasattylyqpen qaraýymyz qajet. Bul – Qazaqstannyń Tuńǵysh Prezıdenti Nursultan Ábishuly Nazarbaevtyń tulǵasyna da qatysty aqıqat. Onyń Táýelsiz elimizdi qurý isine sińirgen eńbegin búkil álem qaýymdastyǵy moıyndady. Sondyqtan Tuńǵysh Prezıdenttiń tarıhı róline qurmetpen qaraý – bárimizge ortaq mindet. Onyń saıası murasyna keleshek urpaq ádiletti baǵasyn bermek," – dedi Memleket basshysy.
Qasym-Jomart Toqaev qazirgi urpaq ókilderi elimiz úshin tabandy jumys isteýi kerek ekenin aıtty.
"Biz bárimiz halyq retinde, eń aldymen, eńbekqor bolýymyz qajet. Saıası oıyndarǵa tosqaýyl qoıǵan jón. Biz ótkenge jaltaqtamaı, jarqyn bolashaǵymyzǵa zor senimmen qadam basýymyz kerek", - dedi ol.
Polıeılerdi kásibı merekesimen quttyqtaǵan Memleket basshysy olardy adal qyzmet etip, jumystyń jańa úlgisine kóshý kerektigin aıtty.
«Adyrna» ulttyq portaly
