قاسىمجومارت توقاەۆ: 2020 جىلى نازارباەۆ پرەزيدەنتتىك سايلاۋعا تۇسەتىنىنە سەنبەيمىن

2904
Adyrna.kz Telegram

كونستيتۋتسياعا سايكەس، قازاقستاننىڭ تۇڭعىش  باسشىسى بۇل لاۋازىمعا ءومىرىنىڭ سوڭىنا دەيىن سايلاۋعا تۇسە الادى

استانا، 21 ماۋسىم  قازاقستان پارلامەنتى سەناتىنىڭ توراعاسى قاسىم-جومارت توقاەۆ نۇرسۇلتان نازارباەۆ 2020 جىلى ءوتۋى ءتيىس كەزەكتى پرەزيدەنت سايلاۋىنا تۇسپەيدى دەپ ەسەپتەيدى. بۇل تۋرالى ريا نوۆوستي جازدى.

 

"اشىعىن ايتايىن، مەن پرەزيدەنت نازارباەۆ 2020 جىلعى پرەزيدەنت سايلاۋىنا قاتىساتىنىنا سەنبەيمىن. ويتكەنى ول اقىلدى ادام، وتە پاراساتتى. 2020 جىلى بىزدە پرەزيدەنت سايلاۋى نازارباەۆتان باسقا كانديداتتارمەن وتەدى دەپ ويلايمىن", — دەدى توقاەۆ بي-بي-سيدەگى Hardtalk باعدارلاماسىنا بەرگەن سۇحباتىندا.

سونىمەن قاتار سەنات سپيكەرى بۇل ءوزىنىڭ "جەكە پىكىرى" ەكەنىن اتاپ ءوتتى.

"ارينە، سايلاۋعا بارا ما، جوق پا، بۇل پرەزيدەنت نازارباەۆتىڭ وزىنە بايلانىستى نارسە. الايدا ول سايلاۋعا تۇسەتىنىنە سەنبەيتىنىمدى اشىق ايتۋعا ءتيىسپىن", —  دەپ مالىمدەدى توقاەۆ.

"ەگەر پرەزيدەنت نازارباەۆ ءتىپتى ەل پرەزيدەنتى بولماسا دا، ىشكى جانە سىرتقى ساياساتقا زور ىقپال ەتەتىن بولادى", — دەپ تۇيىندەدى سەنات باسشىسى.

ەستەرىڭىزدە بولسا  2015 جىلدىڭ 26 ساۋىرىندە وتكەن سوڭعى كەزەكتەن تىس پرەزيدەنتتىك سايلاۋدا مەملەكەت باسشىسى سايلاۋشىلاردىڭ 98% داۋىسىن يەلەنىپ، بەسىنشى رەت جەڭىسكە جەتتى. ونىڭ وكىلەتتىگى 2020 جىلدىڭ ساۋىرىندە اياقتالادى. كوستيتۋتسياعا سايكەس، نازارباەۆ  قازاقستاننىڭ تۇڭعىش پرەزيدەنتى رەتىندە بۇل لاۋازىمعا ءومىر بويى سايلاۋعا تۇسە الادى.  جانە پرەزيدەنت بولىپ سايلانباعان كۇننىڭ وزىندە كونستيتۋتسيالىق كەڭەستىڭ ءومىر بويعى  مۇشەسى بولادى.


ايدا قوجمامبەتوۆا 

پىكىرلەر