كوكشەتاۋ تۇرعىنى جۇمىس ورنىندا توققا ءتۇسىپ، قايتىس بولدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
«20 ماۋسىمدا ەسىل اپب كەزەكشى بولىمىنە جەدەل مەديتسينالىق جاردەم ستانتسياسىنىڭ فەلدشەرىنەن سالىنىپ جاتقان نىسانداردىڭ بىرىندە جۇمىسشى توق سوققىسىنان قازا تاپقانى تۋرالى حابارلاما كەلىپ ءتۇستى. ول كوكشەتاۋ قالاسىنىڭ 33 جاستاعى تۇرعىنى ەكەنى بەلگىلى بولدى. وقيعا ورنىنا كەلگەن جەدەل-تەرگەۋ توبى قازا تاپقان ەر ادامنىڭ بەتون ارالاستىرعىش ماشينانى تازالاۋ كەزىندە ومىرمەن ۇيلەسپەيتىن توك سوققىسىن العانىن انىقتادى»،— دەلىنگەن حابارلامادا.
تەرگەۋ ءبولىمى اتالعان فاكتى بويىنشا قر قك 156-بابىنىڭ 3-بولىگى (قاۋىپسىزدىك تەحنيكاسى ەرەجەلەرىن بۇزۋ) بويىنشا سوتقا دەيىنگى تەرگەۋدى باستادى. سوت-مەديتسينالىق ساراپتاما تاعايىندالدى.
