اقپارات جانە كوممۋنيكاتسيا ءمينيسترى داۋرەن اباەۆ قازاقستاندا 2020 جىلى وتەتىن پرەزيدەنتتىك سايلاۋ تۋرالى ءوز ويىن ايتقان قاسىم-جومارت توقاەۆتىڭ سوزىنە قاتىستى پىكىر ءبىلدىردى دەپ حابارلايدى NUR.KZ تىلشىسى.
"2020 جىلعا دەيىن ءبىراز ۋاقىت بار. قاسىم-جومارت كەمەلۇلىنىڭ ايتقانىنداي، شەشىمدى تەك قانا ەلباسى قابىلدايتىن بولادى.
2020 جىلى قانداي جاعداي قالىپتاسادى، سوعان قاراي پىكىر بىلدىرۋىمىزگە بولادى.
الايدا، پرەزيدەنتتىڭ ساياسات، ەكونوميكا سالالارىنداعى زور تاجىريبەسىن، ونىڭ حالىقارالىق دەڭگەيدەگى بەدەلىن ەسەپكە الا وتىرىپ، ەگەر مەملەكەت باسشىسى 2020 جىلى سايلاۋعا تۇسسە، قازاقستان ودان ۇتىلمايتىنىنا سەنىمدىمىن. بۇل مەنىڭ پرەزيدەنتتىڭ جانىندا ءبىرشاما ۋاقىت بويى بىرگە ءجۇرىپ، ىستەس بولعان ادام رەتىندەگى ويىم", - دەدى اباەۆ.
ەسكە سالساق، قاسىم-جومارت توقاەۆ ءوز سۇحباتىندا نۇرسۇلتان نازارباەۆتىڭ 2020 جىلى ەلىمىزدە وتەتىن پرەزيدەنتتىك سايلاۋعا قاتىسۋ-قاتىسپاۋى تۋرالى ءوز پىكىرىن ايتقان بولاتىن.
Nur.kz
