ءۇش جىل بۇرىن ۋكرايناعا كوشىپ بارىپ، قازىر سول ەلدىڭ اسكەري ساپىندا رەسەيگە قارسى كۇرەسىپ جۇرگەن قازاق جاسۇلان دۇيسەمبين ۆلاديمير زەلەنسكيدەن كومەك سۇرادى، دەپ حابارلايدى «ادىرنا» ءتىلشىسى.
«مەن ۋكراينانىڭ قارۋلى كۇشتەرىنىڭ قاتارىنا قابىلدانىپ، الدىڭعى شەپتە اسكەري بورىشىمدى وتەپ ءجۇردىم. رەسەي سوعىس اشقان كۇننەن باستاپ شايقاستارعا قاتىسىپ كەلە جاتىرمىن. ۆولنوۆاحادا بولىپ، قورعانىس شەبىن مىقتاپ ۇستادىم. وسى ۋاقىتقا دەيىن ۋكراينانىڭ ازاماتتىعىن العۋعا تىرىستىم، سەبەبى قازاقستاندا ۇستىمنەن قىلمىستىق ءىس قوزعالدى. كەم دەگەندە 9 جىلعا سوتتالۋىم مۇمكىن. تاڭداۋىم ءۇشىن، ادىلدىككە جەتۋ جولىنداعى كۇرەسىم ءۇشىن.. ايەلىم ۋكراينا ازاماتشاسى، 2 بالام وسى ەلدە ومىرگە كەلدى. كومەكتەسەمىن دەگەن ادامدار ەشقانداي ناتيجەگە قول جەتكىزە المادى. سىزدەن باسقىنشىلارعا قارسى سوعىسۋ ءۇشىن ازاماتتىق الۋعا كومەكتەسۋىڭىزدى سۇرايمىن»،– دەدى ول.
