Úsh jyl buryn Ýkraınaǵa kóship baryp, qazir sol eldiń áskerı sapynda Reseıge qarsy kúresip júrgen qazaq Jasulan Dúısembın Vladımır Zelenskııden kómek surady, dep habarlaıdy «Adyrna» tilshisi.
«Men Ýkraınanyń qarýly kúshteriniń qataryna qabyldanyp, aldyńǵy shepte áskerı boryshymdy ótep júrdim. Reseı soǵys ashqan kúnnen bastap shaıqastarǵa qatysyp kele jatyrmyn. Volnovahada bolyp, qorǵanys shebin myqtap ustadym. Osy ýaqytqa deıin Ýkraınanyń azamattyǵyn alǵýǵa tyrystym, sebebi Qazaqstanda ústimnen qylmystyq is qozǵaldy. Kem degende 9 jylǵa sottalýym múmkin. Tańdaýym úshin, ádildikke jetý jolyndaǵy kúresim úshin.. Áıelim Ýkraına azamatshasy, 2 balam osy elde ómirge keldi. Kómektesemin degen adamdar eshqandaı nátıjege qol jetkize almady. Sizden basqynshylarǵa qarsy soǵysý úshin azamattyq alýǵa kómektesýińizdi suraımyn»,– dedi ol.
