اقجارقىن تۇرلىبايدىڭ ءىسى بويىنشا كۇدىكتى نيگەريا ازاماتى شەت مەملەكەتتىڭ اۋماعىندا ۇستالدى. بۇعان دەيىن وعان حالىقارالىق ىزدەۋ جاريالانعان بولاتىن. بۇل تۋرالى جۋرناليستەرگە قازاقستاندىق ايەلدىڭ ادۆوكاتى سۇڭقار نۇرماعامبەتوۆ ايتتى، دەپ حابارلايدى «ادىرنا» ءتىلشىسى.
«وتانداسىمىزدىڭ ساپارىن ۇيىمداستىردى دەگەن كۇدىككە ىلىنگەن نيگەريا ازاماتى اديندو نونسو فورچۋن ۇستالدى. اقپارات الۋ ءۇشىن مەن قازاقستان رەسپۋبليكاسىنىڭ ىشكى ىستەر مينيسترلىگىنە ادۆوكاتتىق ساۋال جولدادىم»،— دەدى ول.
ەسكە سالا كەتەيىك، 21 جاستاعى قازاق قىزى 2014 جىلدىڭ ناۋرىز ايىندا قىتايدىڭ مالايزيامەن شەكاراسىندا ەسىرتكىمەن ۇستالعان بولاتىن. ونىڭ جۇك سومكەسىنەن 4,5 كەلى ەسىرتكى تابىلدى، اقجارقىن ول تۋرالى بىلمەيتىنىن مالىمدەگەن. وسى ءىس بويىنشا قىتايدىڭ گۋانچجوۋ سوتى اقجارقىن تۇرلىبايدى ەسىرتكى كونترابانداسىمەن ايىپتاپ، ءومىر بويىنا باس بوستاندىعىنان ايىردى.
