Aqjarqyn Turlybaıdyń isi boıynsha kúdikti Nıgerııa azamaty shet memlekettiń aýmaǵynda ustaldy. Buǵan deıin oǵan halyqaralyq izdeý jarııalanǵan bolatyn. Bul týraly jýrnalısterge qazaqstandyq áıeldiń advokaty Suńqar Nurmaǵambetov aıtty, dep habarlaıdy «Adyrna» tilshisi.
«Otandasymyzdyń saparyn uıymdastyrdy degen kúdikke ilingen Nıgerııa azamaty Adındo Nonso Forchýn ustaldy. Aqparat alý úshin men Qazaqstan Respýblıkasynyń Ishki ister mınıstrligine advokattyq saýal joldadym»,— dedi ol.
Eske sala keteıik, 21 jastaǵy qazaq qyzy 2014 jyldyń naýryz aıynda Qytaıdyń Malaızııamen shekarasynda esirtkimen ustalǵan bolatyn. Onyń júk sómkesinen 4,5 keli esirtki tabyldy, Aqjarqyn ol týraly bilmeıtinin málimdegen. Osy is boıynsha Qytaıdyń Gýanchjoý soty Aqjarqyn Turlybaıdy esirtki kontrabandasymen aıyptap, ómir boıyna bas bostandyǵynan aıyrdy.
