ۋكراينا اسكەرلەرى ۇرىس كەزىندە اسكەري تەحنيكاسىنىڭ 50 پايىزىنان ايىرىلدى. بۇل تۋرالى قورعانىس ءمينيسترىنىڭ ورىنباسارى ۆلاديمير كارپەنكو ايتتى، دەپ حابارلايدى «ادىرنا» ءتىلشىسى.
«بەلسەندى شايقاستار ناتيجەسىندە شامامەن 30-40%، ال كەيدە 50%-عادەيىن تەحنيكا شىعىنى بار. 1300-گە جۋىق جاياۋ اسكەردىڭ جاۋىنگەرلىك ماشيناسى، 400 تانك، 700 ارتيللەريالىق جۇيە جوعالدى»،– دەدى ول.
كارپەنكونىڭ ايتۋىنشا، باتىس ەلدەرىنەن جەتكىزىلەتىن قارۋ-جاراق ۋكراينا قاجەتتىلىگىنىڭ 15 پايىزىن جابادى.
«ءبىز كوپتەگەن قارۋ-جاراق جۇيەسىن الدىق، بىراق، وكىنىشكە قاراي، مۇنداي جاپپاي جۇمسالعان رەسۋرسپەن ولار ءبىزدىڭ قاجەتتىلىكتەرىمىزدىڭ 10-15 پايىزىن عانا جابادى. ۋكرايناعا ارتيللەريالىق وق-دارىلەر، جاياۋ اسكەرلەردىڭ جاۋىنگەرلىك ماشينالارى، جاۋىنگەرلىك ماشينالار، تانكتەر قاجەت»،– دەپ ءسوزىن تولىقتىردى ۆيتسە-مينيستر.
