قىتايدا العاش رەت ءشول دالادا تەمىر جول سالىندى، دەپ حابارلايدى “ادىرنا” ۇلتتىق پورتالى.
ۇزىندىعى 825 شاقىرىمعا سوزىلعان جول وزگە اۋقىمدى جوبانىڭ ءبىر بولىگى. ول تاكلا-ماكان ءشولىنىڭ شەتى ارقىلى وتەدى. شىڭجاڭ-ۇيعىر اۆتونومدى اۋدانىنداعى حوتان قالاسى مەن جوتسيان ۋەزىن جالعاستىرادى.
قۇرىلىس ءوڭىر تابيعاتىنىڭ كۇردەلىلىگىنە بايلانىستى 3 جارىم جىلعا سوزىلعان. رەلستى قۇمدى داۋىلدان قورعاۋ ءۇشىن جولدىڭ كەي بولىگى كوپىر سياقتى سالىندى. وسىمەن قاتار 300 شاقىرىمداي جەرگە 13 ملن-نان اسا تال وتىرعىزىلدى. بيلىك تەمىر جول ايماقتاعى ساۋدا-ساتتىقتىڭ دا جاندانۋىنا ىقپال ەتەدى دەپ وتىر.
”ادىرنا” ۇلتتىق پورتالى