Kásipker Syrymbek Taý Qasym-Jomart Toqaev pen Ulttyq Quryltaı músheleriniń aldynda usynysyn aıtty. Bul týraly ol óziniń Facebook paraqshasyna jarııalady, dep habarlaıdy “Adyrna” ulttyq portaly.
“Birinshiden, jańadan qurylǵan úsh oblys úsh túrli baǵytta damysa dedim. Máselen, oblystyń biri densaýlyq salasyn myqtap qolǵa alsa, ekinshisinde bilim salasy qaryshtasa, al úshinshisinde bıznes qanat jaısa, ıgi bolar edi.
Ár óńirdiń múmkindigine qaraı osy jaǵdaılardy tıimdi paıdalanýǵa bolatynyn aıtqym keledi.
Budan bólek osy oblystardaǵy aýdan ortalyqtary men keıbir aýyldardy úlgilik nusqa retinde salyqtardan bosatyp, erkin ekonomıkalyq aımaq ashsaq.
Sol úlgige alynǵan monoqalalar men aýyldarda shaǵyn jáne orta bıznesti damytyp, Eýropadaǵydaı kórkeıgen eldi mekenderdi ashýǵa bolady. Batystyń tájirıbesine súıene otyryp, jeriniń asty baı, dalasy keń Qazaqstanda mundaı múmkindikterdi tıimdi paıdalanýǵa bolatynyn aıtqym keledi. Quryltaı - múmkindikter men usynys alańy! Sózimiz iske ótsin!”, - dedi ol.
“Adyrna” ulttyq portaly
