الما نۋتۋشەۆا مەملەكەتتىك ورگاندار اكەسى ارون اتابەكتى قايتىس بولعاننان كەيىن اقتاۋ تۋرالى وتىنىشكە 17 ماۋسىمدا جاۋاپ بەرۋى كەرەكتىگىن ايتتى، دەپ حابارلايدى "ادىرنا" ۇلتتىق پورتالى "kaztag.kz"-كە سىلتەمە جاساپ.
"مەن قازاقستاندا بۇعاتتالعان EGOV.PRESS سايتىنا ارىز جازدىم. بۇل سايت قازىر Alash.online دەگەن اتپەن جۇمىس ىستەيدى. ەرتەڭ، 2022 جىلدىڭ 17 ماۋسىمىندا ولار مەنىڭ اكەمنىڭ قايتىس بولعاننان كەيىن اقتالۋىنا قاتىستى جاۋاپ بەرۋى كەرەك. مەن پرەزيدەنتىمىز توقاەۆ مىرزاعا سايتتا جاريالانعان پەتيتسيا ءماتىنى بويىنشا قايتىس بولعاننان كەيىن وڭالتۋ تۋرالى حات جولدادىم. پرەزيدەنت اكىمشىلىگى مەنىڭ ءوتىنىشىمدى قازاقستان رەسپۋبليكاسىنىڭ ىشكى ىستەر مينيسترلىگىنە جانە قازاقستاننىڭ باس پروكۋراتۋراسىنا جولدايدى، ولار قانداي دا ءبىر سەبەپتەرمەن قىلمىستىق اتقارۋ جۇيەسى كوميتەتىنە جىبەرەدى. بۇل ءوتىنىش كوميتەتكە نەنىڭ نەگىزىندە بەرىلدى؟ بۇل كوميتەت وڭالتۋ ءۇشىن قانداي وكىلەتتىكتەرگە يە؟", — دەدى نۋتۋشەۆا.
بۇل رەتتە ول اتابەك قايتىس بولعاننان كەيىن ونىڭ تومەنگى اياعىنان بوگدە زات الىنعانىن ايتتى. الايدا پوليتسيا اتابەكتىڭ ىسىندەگى بارلىق زاتتاي دالەلدەمەلەردى، سونىڭ ىشىندە وسى زاتتى جويۋ تۋرالى قاۋلى شىعاردى. نۋتۋشەۆا بۇل شەشىمگە سوتقا شاعىم تۇسىرمەك بولعان، بىراق ءالى ناتيجە جوق.
"ادىرنا" ۇلتتىق پورتالى
