ەلوردادا داۋىل سوعىپ، قاتتى جاڭبىر جاۋعان كەزدە جاس جىگىت بالانى ولىمنەن قۇتقارىپ قالدى، دەپ حابارلايدى “ادىرنا” ۇلتتىق پورتالى.
ۇيدەگى بالكوننان ۆيدەو ءتۇسىرىپ تۇرعان جاس جىگىت سۋدىڭ ۇستىنەن كىشكەنتاي بالانى بايقاپ قالادى. بۇل ۋاقىتتا كوشەدە ادام بولماعان.
جىگىت جاڭبىرعا قاراماستان ۇيدەن جۇگىرىپ شىعىپ، سۋدان بالانى ىزدەيدى. كوپكە دەيىن ەشكىمدى تابا الماعان. ءبىر كەزدە “اعاي، كومەكتەسىڭىزشى” دەگەن بالانىڭ داۋسىن ەستيدى. بالا بۇل ۋاقىتتا اۋدارىلعان قايىعىنا ارەڭ جارماسىپ تۇرعان. جىگىت بالانى سۋدان شىعارىپ ۇلگەرگەن. ارتىنشا ۇلكەندەر دە جەتكەن. بايداركا مىنگەن بالانىڭ ەسىمى ۇلان ەكەن.
ال بالانى قۇتقارىپ قالعان كاسىپقوي جۇزۋمەن اينالىساتىن شاحبەك ەسماحانوۆ ەسىمدى 20 جاستاعى جىگىت. ول قازاق تەحنولوگيا جانە بيزنەس ۋنيۆەرسيتەتىنىڭ ستۋدەنتى ەكەن.
“ادىرنا” ۇلتتىق پورتالى
