ساياساتتانۋشى سامات نۇرتازا ۇلىتاۋدا بولاتىن ۇلتتىق قۇرىلتاي تۋرالى پىكىر ءبىلدىردى، دەپ حابارلايدى «ادىرنا» ءتىلشىسى.
«بۇل – تاريحا وقيعا، تاريحي فاكت. ول ەرتەڭ كىتاپتاردا ەلەۋلى ءبىر وقيعا رەتىندە قالادى. ءبىز قاسيەتتى قۇرىلتاي ءسوزىنىڭ ماعىناسىن بۇزىپ الماۋىمىز كەرەك. مەنىڭ تۇسىنۋىمشە، قۇرىلتاي – حالىقتىڭ مۇڭ-مۇقتاجىن ايتاتىن جەر. ول كەز كەلگەن كەلەڭسىز جاعدايدى شەشە الۋى كەرەك. كەزىندە اتا-بالالار حانعا ءوز مۇڭ-مۇقتاجدارىن ايتىپ، ماسەلەلەرىن شەشكەن. الدا بولاتىن ءىس-شارادان كۇتەر ءۇمىتىم كوپ. قۇرىلتايعا شاقىرىلعان ءار ادامنىڭ ارتىندا كىشىگىرىم بولسىن اۋديتوريا بار. سول تۇلعالار بيلىك پەن حالىق اراسىندا كوپىر بولۋلارى ءتيىس. ياعني، جاۋاپكەرشىلىكتى سەزىنۋلەرى قاجەت. ەگەر ءبىر مۇشە كوپشىلىك الدىندا ءوز ابىرويىن توگىپ الاتىن بولسا، بۇل جاعداي بارلىعىنا اسەر ەتەتىن بولادى. وسىنى تۇسىنەدى دەپ ويلايمىن»،– دەدى ول.
