Saıasattanýshy Samat Nurtaza Ulytaýda bolatyn ulttyq quryltaı týraly pikir bildirdi, dep habarlaıdy «Adyrna» tilshisi.
«Bul – tarıha oqıǵa, tarıhı fakt. Ol erteń kitaptarda eleýli bir oqıǵa retinde qalady. Biz qasıetti quryltaı sóziniń maǵynasyn buzyp almaýymyz kerek. Meniń túsinýimshe, quryltaı – halyqtyń muń-muqtajyn aıtatyn jer. Ol kez kelgen keleńsiz jaǵdaıdy sheshe alýy kerek. Kezinde ata-balalar hanǵa óz muń-muqtajdaryn aıtyp, máselelerin sheshken. Alda bolatyn is-sharadan kúter úmitim kóp. Quryltaıǵa shaqyrylǵan ár adamnyń artynda kishigirim bolsyn aýdıtorııa bar. Sol tulǵalar bılik pen halyq arasynda kópir bolýlary tıis. Iaǵnı, jaýapkershilikti sezinýleri qajet. Eger bir múshe kópshilik aldynda óz abyroıyn tógip alatyn bolsa, bul jaǵdaı barlyǵyna áser etetin bolady. Osyny túsinedi dep oılaımyn»,– dedi ol.
