سامارقاند وبلىستىق ىشكى ىستەر باسقارماسىنىڭ ءباسپاسوز قىزمەتى حابارلاعانداي، اشىق قالعان ەسىكتەن بالكونعا شىققان قىز جاقتاۋ - مەتالل شارباقتارى اراسىنان تومەنگە قۇلاپ كەتكەن، دەپ جازادى "gazeta.uz" باسىلىمى.
وقيعا ورنىنا سامارقاند ءىىب تەرگەۋ ءبولىمىنىڭ جانە قالا پروكۋراتۋراسىنىڭ باسشىلارى كەلدى. دەنە جاراقاتتارىنىڭ اۋىرلىعىن جانە قىزدىڭ نەدەن قايتىس بولۋ سەبەپتەرىن انىقتاۋ ءۇشىن سوت-مەديتسينالىق ساراپتاما جۇرگىزۋ تۋرالى شەشىم قابىلداندى. بىراق بالانىڭ تۋىستارى دەنەنى ساراپتاماعا بەرمەيتىندەرىن ايتتى.
اتالعان فاكتى بويىنشا تەرگەۋگە دەيىنگى تەكسەرۋ ءىس-شارالارى جۇرگىزىلىپ جاتىر، دەپ اتاپ ءوتتى وبلىستىق ءىىب.
2019 جىلدان باستاپ سالىنىپ جاتقان قاراسۋ تۇرعىن-ءۇي ماسسيۆىندە 12, 14, 15, 16 جانە 25 قاباتتى ۇيلەر بار. قايعىلى وقيعا ورىن العان ءۇي - 15 قاباتتى.
"ادىرنا" ۇلتتىق پورتالى
