تەمىرتاۋ قالاسىندا ەكى ايەلدەن ءىرى كولەمدە ەسىرتكى تابىلدى. ارنايى جۇرگىزىلگەن وپەراتسيا كەزىندە ءتارتىپ ساقشىلارى كولىكتى توقتاتىپ، قۇجاتتارىن تەكسەرگەن. سول كەزدە ىشىندە وتىرعان ەكى جولاۋشىنىڭ ارەكەتى كۇدىك تۋدىرىپتى، دەپ حابارلايدى “ادىرنا” ۇلتتىق پورتالى “حابار 24”-كە سىلتەپ.
ءتىنتۋ كەزىندە ولاردان تىيىم سالىنعان پسيحوتروپتىق زاتتار تابىلدى. 32 جانە 36 جاستاعى كەلىنشەكتەر ەسىرتكىنى ءوزىمىز قولدانۋ ءۇشىن الدىق دەپ اقتالعانىمەن ءتارتىپ ساقشىلارى تاۋاردى تاركىلەپ، وزدەرىن قاماۋعا الدى.
“پوليتسيا قىزمەتكەرلەرىمەن اۆتوكولىككە جۇرگىزىلگەن ءتىنتۋ بارىسىندا 98 فلاكون تروپيكاميد ءدارىسى، 12 پلاستينا ترامادول جانە 6 قوراپ اليس پرەپاراتى تاركىلەنىپ الىندى. اتالعان فاكتى بويىنشا قر قك 296-بابىنا سايكەس قىلمىستىق ءىس قوزعالدى. ءتيىستى ساراپتامالار تاعايىندالىپ، تەرگەۋ امالدارى جۇرگىزىلۋدە”،- دەدى وبلىستىق پوليتسيا دەپارتامەنتىنىڭ ءباسپاسوز حاتشىسى باقىتجان قۇدياروۆ.
”ادىرنا” ۇلتتىق پورتالى
