Temırtau qalasynda ekı äielden ırı kölemde esırtkı tabyldy. Arnaiy jürgızılgen operasiia kezınde tärtıp saqşylary kölıktı toqtatyp, qūjattaryn teksergen. Sol kezde ışınde otyrǧan ekı jolauşynyŋ äreketı küdık tudyrypty, dep habarlaidy “Adyrna” ūlttyq portaly “Habar 24”-ke sıltep.
Tıntu kezınde olardan tyiym salynǧan psihotroptyq zattar tabyldy. 32 jäne 36 jastaǧy kelınşekter esırtkını özımız qoldanu üşın aldyq dep aqtalǧanymen tärtıp saqşylary tauardy tärkılep, özderın qamauǧa aldy.
“Polisiia qyzmetkerlerımen avtokölıkke jürgızılgen tıntu barysynda 98 flakon tropikamid därısı, 12 plastina tramadol jäne 6 qorap alis preparaty tärkılenıp alyndy. Atalǧan faktı boiynşa QR QK 296-babyna säikes qylmystyq ıs qozǧaldy. Tiıstı saraptamalar taǧaiyndalyp, tergeu amaldary jürgızılude”,- dedı oblystyq polisiia departamentınıŋ baspasöz hatşysy Baqytjan Qūdiiarov.
”Adyrna” ūlttyq portaly
Ūqsas jaŋalyqtar
