شارمانوۆ: "قيمىل-قوزعالىستىڭ ازدىعى سەمىزدىككە سوقتىرادى"

2113
Adyrna.kz Telegram
فوتو: news.kaznmu.edu.kz
فوتو: news.kaznmu.edu.kz

قازاق تاعامتانۋ اكادەمياسىنىڭ پرەزيدەنتى، مەديتسينا عىلىمدارىنىڭ دوكتورى تورەگەلدى شارمانوۆ اس ىشكەن سوڭ كوپ قيمىلداۋ پايدالى ەكەنىن جەتكىزدى، دەپ حابارلايدى "ادىرنا" ۇلتتىق پورتالى.

"حالقىمىز ەجەلدەن-اق ەتكە قۇمار. ەتسىز تاماقتى تاماق دەپ سانامايتىنى دا راس. بىراق، جەمەسە تۇسىنە، جەسە تىسىنە كىرەتىن ەت شىركىننىڭ زيانى باسىم ەكەنىنە كوپ ادام نازار اۋدارمايدى. راس، ەرتەدە اتا-بابالارىمىز جىلقى باققان، اتقا مىنگەن، ۇنەمى قيمىل-قوزعالىس ۇستىندە جۇرگەن. سوعان وراي ەتتىڭ سىڭىمدىلىگى دە جوعارى بولعان. ال قازىر شە؟ تويىپ، تالعاماي ەت جەپ العان سوڭ تەلەديداردىڭ، ودان قالسا كومپيۋتەردىڭ الدىندا ساعاتتاپ وتىرادى. قيمىل-قوزعالىس وتە از. قيمىلداماعاننان كەيىن سونشا ەت قالاي سىڭەدى؟ ونىڭ سوڭى سەمىزدىككە سوقتىرادى", —  دەپ جازدى ول ءوزىنىڭ ينستاگرام پاراقشاسىندا.

ايتا كەتۋ كەرەك، 92 جاستاعى اكادەميك ءوزىنىڭ پاراقشاسىندا وقىرماندار ءۇشىن ۇنەمى پايدالى مالىمەتتەر جازىپ، كەڭەستەر ايتىپ وتىرادى. 

"ادىرنا" ۇلتتىق پورتالى.

پىكىرلەر