Qazaq taǵamtaný akademııasynyń prezıdenti, medıına ǵylymdarynyń doktory Tóregeldi Sharmanov as ishken soń kóp qımyldaý paıdaly ekenin jetkizdi, dep habarlaıdy "Adyrna" ulttyq portaly.
"Halqymyz ejelden-aq etke qumar. Etsiz tamaqty tamaq dep sanamaıtyny da ras. Biraq, jemese túsine, jese tisine kiretin et shirkinniń zııany basym ekenine kóp adam nazar aýdarmaıdy. Ras, ertede ata-babalarymyz jylqy baqqan, atqa mingen, únemi qımyl-qozǵalys ústinde júrgen. Soǵan oraı ettiń sińimdiligi de joǵary bolǵan. Al qazir she? Toıyp, talǵamaı et jep alǵan soń teledıdardyń, odan qalsa kompıýterdiń aldynda saǵattap otyrady. Qımyl-qozǵalys óte az. Qımyldamaǵannan keıin sonsha et qalaı sińedi? Onyń sońy semizdikke soqtyrady", — dep jazdy ol óziniń ınstagram paraqshasynda.
Aıta ketý kerek, 92 jastaǵy akademık óziniń paraqshasynda oqyrmandar úshin únemi paıdaly málimetter jazyp, keńester aıtyp otyrady.
"Adyrna" ulttyq portaly.
