قاسىم-جومارت توقاەۆ قازاقستان حالقى اسسامبلەياسىنىڭ ءحححىى سەسسياسىنىڭ وتىرىسىندا سەپاراتيزم بەلگىلەرىنە قازاقستان حالقى جۇرت بولىپ قارسى تۇرۋ كەرەكتىگىن ايتتى، دەپ حابارلايدى “ادىرنا” ۇلتتىق پورتالى.
"بىزدەگى بىرلىك پەن كەلىسىمدى بۇزۋعا باعىتتالعان كەز كەلگەن ارانداتۋشىلىقتىڭ جولىن كەسۋ قاجەت. ءبىز قوعامدىق ورىستە ءارتۇرلى جالعان نەمەسە فەيك، دەسترۋكتيۆتى جاريالانىمداردىڭ ايتارلىقتاي كوبەيگەنىن كورىپ وتىرمىز.
ونداي جاريالانىمداردىڭ باسىم كوپشىلىگىندە اۆتورلاردىڭ قازاقستانمەن ەش قاتىسى جوق. شەتەلدەن ارەكەت ەتە وتىرىپ، قوعام اراسىندا جانجال تۇقىمىن سەبۋگە تىرىسادى. ولاردىڭ ريتوريكاسى مەن ارەكەتتەرى سەنىمسىزدىك اتموسفەراسىن قالىپتاستىرۋعا، ادامدار اراسىنداعى الاۋىزدىقتى قوزدىرۋعا، مەملەكەتتىك قاۋىپسىزدىكتى بۇزۋعا باعىتتالعان", - دەدى پرەزيدەنت.
پرەزيدەنتتىڭ ايتۋىنشا، تەرىس پيعىلداعىلاردىڭ تالپىنىسىمەن تۇرمىستىق نەمەسە قىلمىستىق سيپاتتاعى كەز كەلگەن كيكىلجىڭ ەتنوسارالىق دەڭگەيگە شىعىپ، اۋىر زارداپتارعا اكەلۋى مۇمكىن.
"سوندىقتان ءبىز جاۋاپتى ازاماتتار رەتىندە راكديكاليزمنىڭ، ەكسترەميزم مەن سەپاراتيزمنىڭ كەز كەلگەن بەلگىلەرىنە قارسى تۇرىپ، بۇل ماسەلەدە بايىپتى ءارى قاتاڭ، تۇپتەپ كەلگەندە ادىلەتتى بولۋىمىز كەرەك", – دەدى مەملەكەت باسشىسى.
