Elden zańsyz shyǵarylǵan qarjyny qaıtarý jónindegi komıssııa quramyna kimder kirdi?

1753
Adyrna.kz Telegram
Foto: egemen.kz
Foto: egemen.kz

Qazaqstan Prezıdentiniń ekonomıkalyq resýrstardy zańsyz shyǵarýǵa qarsy is-qımyl máseleleri jónindegi vedomstvoaralyq komıssııa qurý týraly Jarlyǵynyń tolyq mátini jarııalandy, dep habarlaıdy “Adyrna” ulttyq portaly.

Prezıdent elden zańsyz shyǵarylǵan qarajatty Qazaqstanǵa qaıtarý, sondaı-aq, zańsyz jolmen alynǵan ekonomıkalyq resýrstardyń monopolııalyq (olıgopolııalyq) shoǵyrlanýyn anyqtaý, olardy memleketke qaıtarý maqsatynda vedomstvoaralyq komıssııa qurýǵa qaýly etti.

Komıssııa quramy:

  • Bas prokýror, tóraǵa;
  • Bas prokýrordyń orynbasary, tóraǵanyń orynbasary;
  • Ulttyq bank tóraǵasy;
  • Premer-Mınıstrdiń orynbasary - Syrtqy ister mınıstri;
  • Premer-Mınıstrdiń orynbasary - Qarjy mınıstri;
  • "Samuryq-Qazyna" ulttyq ál-aýqat qory " AQ Basqarma tóraǵasy;
  • Ulttyq qaýipsizdik komıtetiniń tóraǵasy;
  • Básekelestikti qorǵaý jáne damytý agenttiginiń tóraǵasy;
  • Qarjy naryǵyn retteý jáne damytý agenttiginiń tóraǵasy;
  • Qarjy monıtorıngi agenttiginiń tóraǵasy;
  • Sybaılas jemqorlyqqa qarsy is-qımyl agenttiginiń tóraǵasy;
  • Ishki ister mınıstri;
  • Ádilet mınıstri.

Vedomstvoaralyq komıssııaǵa bir apta ishinde vedomstvoaralyq komıssııa týraly erejeniń jobasyn Prezıdenttiń qaraýyna engizý tapsyryldy.

Budan bólek, komıssııa eki aptada bir ret óz jumysy týraly baıandaıtyn bolady.

Jarlyqtyń oryndalýyn baqylaý Prezıdent Ákimshiligine júktelgen.

Jarlyq qol qoıylǵan kúnnen bastap kúshine endi.

”Adyrna” ulttyq portaly

Pikirler