ەلىمىزدە 8 ماۋسىمنان باستاپ پتر-تەست پەن ۆاكتسيناتسيا پاسپورتى تالابى الىنادى

1569

8 ماۋسىمنان باستاپ قر مەملەكەتتىك شەكاراسىن كەسىپ وتكەن كەزدە COVID-19-عا قارسى ۆاكتسيناتسيانى (رەۆاكتسيناتسيانى) راستاۋدى نەمەسە پتر ادىسىمەن COVID-19-عا زەرتتەۋدىڭ تەرىس ناتيجەسى بار انىقتامانى ۇسىنۋ تۋرالى تالاپ الىنىپ تاستالادى. مۇنداي شەشىم قر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن وتكەن كوروناۆيرۋستىق ينفەكتسيانىڭ الدىن الۋ جانە تاراتۋ جونىندەگى ۆەدومستۆوارالىق كوميسسيانىڭ وتىرىسىندا قابىلداندى، دەپ حابارلايدى «ادىرنا» ءتىلشىسى ۆەدومستۆونىڭ ءباسپاسوز قىزمەتىنە سىلتەمە جاساپ.

ەلدەگى جانە الەمدەگى ەپيدەميولوگيالىق جاعدايدىڭ تۇراقتانۋىن ەسكەرە وتىرىپ، ۆەدومستۆوارالىق كوميسسيا ونىڭ كۇشىن جويۋ تۋرالى مىناداي شەشىمدەر قابىلدادى:

-بارلىق وتكىزۋ پۋنكتتەرىندە مەملەكەتتىك شەكارانى كەسىپ ءوتۋ كەزىندە قر ازاماتتارى مەن شەتەلدىكتەر مىندەتتى تۇردە COVID-19-عا قارسى ۆاكتسيناتسيا/رەۆاكتسيناتسيا پاسپورتىن، ال ولار بولماعان كەزدە COVID-19-عا پتر تەستىنىڭ تەرىس ناتيجەسى بار انىقتامانى ۇسىنۋىن الىپ تاستاۋ;

-رەسپۋبليكانىڭ 7 وڭىردەگى قازاقستان رەسپۋبليكاسى مەملەكەتتىك شەكاراسىنىڭ جەكەلەگەن ۋچاسكەلەرىندە ۋاقىتشا جابىلعان 12 اۆتوموبيل وتكىزۋ پۋنكتتەردىن جۇمىس ىستەۋگە تىيىم سالۋدى الىپ تاستاۋ.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket