اقتوبە وبلىسىندا 4 جانە 5 جاستاعى ءۇش ۇل بالا سۋعا باتىپ كەتتى، دەپ حابارلايدى «ادىرنا» ءتىلشىسى «استانا» تەلەارناسىنا سىلتەمە جاساپ.
ەكى اعايىندى دوستارىمەن اۋىلدان ءبىر شاقىرىم جەردەگى وزەنگە بارعان. سۋعا تۇسكەن بالالاردىڭ ءبىرى باتا باستاعاندا، قالعاندارى ونى شىعارىپ الماققا ۇمتىلدى. بىراق ولاردىڭ كۇشتەرى جەتپەگەن. بالالاردىڭ ەڭ ۇلكەنى كومەك سۇراۋ ءۇشىن اۋىلعا جۇگىرەدى. الايدا ۇلكەندەر جەتكەندە، ءبارى كەش ەدى.
«حابارلاما العان بويدا بولىمشە قىزمەتكەرلەرى وقيعا ورنىنا اتتاندى. كەلگەن كەزدە ءتورت بالانىڭ سۋ قويماسىنىڭ جاعاسىندا ەرەسەكتەردىڭ قاراۋىنسىز ويناعانى انىقتالدى. ءۇش بالا سۋعا باتىپ كەتكەن»، - دەدى اقتوبە وبلىستىق تجد باسقارماسىنىڭ باستىعى نۇرلىبەك ايجارىقوۆ
