Aqtóbe oblysynda 4 jáne 5 jastaǵy úsh ul bala sýǵa batyp ketti, dep habarlaıdy «Adyrna» tilshisi «Astana» telearnasyna silteme jasap.
Eki aǵaıyndy dostarymen aýyldan bir shaqyrym jerdegi ózenge barǵan. Sýǵa túsken balalardyń biri bata bastaǵanda, qalǵandary ony shyǵaryp almaqqa umtyldy. Biraq olardyń kúshteri jetpegen. Balalardyń eń úlkeni kómek suraý úshin aýylǵa júgiredi. Alaıda úlkender jetkende, bári kesh edi.
«Habarlama alǵan boıda bólimshe qyzmetkerleri oqıǵa ornyna attandy. Kelgen kezde tórt balanyń sý qoımasynyń jaǵasynda eresekterdiń qaraýynsyz oınaǵany anyqtaldy. Úsh bala sýǵa batyp ketken», - dedi Aqtóbe oblystyq TJD basqarmasynyń bastyǵy Nurlybek Aıjaryqov
