2022 جىلعى 4 ماۋسىمدا ورتالىق رەفەرەندۋم كوميسسياسىنىڭ توراعاسى نۇرلان ءابدىروۆ جانە قر ورك مۇشەلەرى حالىقارالىق بايقاۋشىلارمەن بىرنەشە كەزدەسۋلەر وتكىزدى

2594
Adyrna.kz Telegram

2022 جىلعى 4 ماۋسىمدا قازاقستان رەسپۋبليكاسى ورتالىق رەفەرەندۋم كوميسسياسىنىڭ توراعاسى نۇرلان ءابدىروۆ جانە قر ورك مۇشەلەرى حالىقارالىق بايقاۋشىلارمەن بىرنەشە كەزدەسۋلەر وتكىزدى.

بىرقاتار شەت مەملەكەتتەردىڭ، اتاپ ايتقاندا تۇركيا، وزبەكستان، بولگاريا، مولدوۆا، تۇركىمەنستان، ءازىربايجان، بەلارۋس، رەسەي فەدەراتسياسى، ارمەنيا، گرۋزيا، قىرعىز رەسپۋبليكاسى، تاجىكستان، بارلىعى 12 ەلدىڭ ورتالىق سايلاۋ ورگاندارىنىڭ توراعالارىمەن جانە مۇشەلەرىمەن كەزدەسۋ ءوتتى.

سونداي-اق تۇركيا رەسپۋبليكاسىنىڭ جوعارعى سايلاۋ كەڭەسى جانە وزبەكستان ورتالىق سايلاۋ كوميسسياسىنىڭ وكىلدەرىمەن جەكەلەگەن كەزدەسۋلەر وتكىزىلدى.

ال حالىقارالىق ۇيىمداردىڭ وكىلدەرىمەن كەزدەسۋلەرگە شىۇ، تۇركپا، تمد پاا وكىلدەرى، بەلارۋس پارلامەنتتىك جينالىسىنىڭ جانە رەسەي مەملەكەتتىك دۋماسىنىڭ دەپۋتاتتىق كورپۋسىنىڭ بايقاۋشىلارى قاتىستى.

قازاقستان رەسپۋبليكاسى ورتالىق رەفەرەندۋم كوميسسياسىنىڭ توراعاسى نۇرلان ءابدىروۆ رەفەرەندۋمدى بايقاۋعا قاتىسقالى كەلگەن شەت مەملەكەتتەر مەن حالىقارالىق ۇيىمداردىڭ ورتالىق سايلاۋ ورگاندارىنىڭ وكىلدەرىنە العىسىن ءبىلدىردى.

سونىمەن قاتار، كەزدەسۋ بارىسىندا نۇرلان ءابدىروۆ حالىقارالىق ۇيىم وكىلدەرىنىڭ رەفەرەندۋمدى بايقاۋعا قاتىسۋى ونىڭ بەدەلىن ارتتىراتىنىن جانە بۇل رەفەرەندۋمنىڭ جاريالىلىعى مەن اشىقتىعىنا كەپىل بولاتىنىن، ونىڭ ىشىندە شىۇ – وڭىردەگى عانا ەمەس، جالپى الەمدەگى بەدەلدى جانە قارقىندى دامىپ كەلە جاتقان ۇيىمداردىڭ ءبىرى بولىپ تابىلاتىنىن اتاپ ءوتتى.

ال ءوز كەزەگىندە، تمد پاا مەملەكەتارالىق، ۇكىمەتارالىق جانە ۆەدومستۆوارالىق ۇيلەستىرۋشى ينستيتۋتتاردىڭ ناقتى ۇيىمداستىرۋشىلىق جانە تارماقتالعان جۇيەسىنە يە.

سونداي-اق، قر ورك باسشىسى تۇركىتىلدەس ەلدەردىڭ پارلامەنتتىك اسسامبلەياسىنىڭ ءوزارا ءىس-قيمىلدى كەڭەيتۋگە قىزىعۋشىلىق تانىتىپ وتىرعانىن قۇپتايتىنىن اتاپ ءوتتى.

قر ورتالىق رەفەرەندۋم كوميسسياسىنىڭ توراعاسى نۇرلان ءابدىروۆ پەن قر ورك مۇشەلەرى 2022 جىلعى 5 ماۋسىمعا تاعايىندالعان قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ جونىندەگى رەسپۋبليكالىق رەفەرەندۋمعا دايىندىق پەن ونى وتكىزۋ بارىسى تۋرالى ەگجەي-تەگجەيلى بايانداپ بەردى.

سونداي-اق، قر ورك مۇشەلەرى دەلەگاتسيا مۇشەلەرىنىڭ ۇگىت جۇمىستارىنا، ونىڭ ىشىندە كوميسسيالاردىڭ قىزمەتىنە، حالىقارالىق بايقاۋشىلار مەن شەتەلدىك باق وكىلدەرىنىڭ رەفەرەندۋمدى بايقاۋعا قاتىسۋىنا قاتىستى سۇراقتارىنا جاۋاپ بەردى.

شەت مەملەكەتتەر مەن حالىقارالىق ۇيىمداردىڭ ورتالىق سايلاۋ ورگاندارىنىڭ وكىلدەرى وسى ۇيىمداستىرىلىپ وتىرعان كەزدەسۋ ءۇشىن قر ورك مۇشەلەرىنە ءوز ريزاشىلىقتارىن ءبىلدىرىپ، رەسپۋبليكالىق رەفەرەندۋم وتكىزۋ ىسىنە تابىس تىلەدى.

 

پىكىرلەر