2022 jylǵy 4 maýsymda Qazaqstan Respýblıkasy Ortalyq referendým komıssııasynyń Tóraǵasy Nurlan Ábdirov jáne QR ORK músheleri halyqaralyq baıqaýshylarmen birneshe kezdesýler ótkizdi.
Birqatar shet memleketterdiń, atap aıtqanda Túrkııa, Ózbekstan, Bolgarııa, Moldova, Túrkimenstan, Ázirbaıjan, Belarýs, Reseı Federaııasy, Armenııa, Grýzııa, Qyrǵyz Respýblıkasy, Tájikstan, barlyǵy 12 eldiń ortalyq saılaý organdarynyń tóraǵalarymen jáne múshelerimen kezdesý ótti.
Sondaı-aq Túrkııa Respýblıkasynyń Joǵarǵy saılaý keńesi jáne Ózbekstan Ortalyq saılaý komıssııasynyń ókilderimen jekelegen kezdesýler ótkizildi.
Al halyqaralyq uıymdardyń ókilderimen kezdesýlerge ShYU, TúrkPA, TMD PAA ókilderi, Belarýs Parlamenttik Jınalysynyń jáne Reseı Memlekettik Dýmasynyń depýtattyq korpýsynyń baıqaýshylary qatysty.
Qazaqstan Respýblıkasy Ortalyq referendým komıssııasynyń Tóraǵasy Nurlan Ábdirov referendýmdy baıqaýǵa qatysqaly kelgen shet memleketter men halyqaralyq uıymdardyń ortalyq saılaý organdarynyń ókilderine alǵysyn bildirdi.
Sonymen qatar, kezdesý barysynda Nurlan Ábdirov halyqaralyq uıym ókilderiniń referendýmdy baıqaýǵa qatysýy onyń bedelin arttyratynyn jáne bul referendýmnyń jarııalylyǵy men ashyqtyǵyna kepil bolatynyn, onyń ishinde ShYU – óńirdegi ǵana emes, jalpy álemdegi bedeldi jáne qarqyndy damyp kele jatqan uıymdardyń biri bolyp tabylatynyn atap ótti.
Al óz kezeginde, TMD PAA memleketaralyq, úkimetaralyq jáne vedomstvoaralyq úılestirýshi ınstıtýttardyń naqty uıymdastyrýshylyq jáne tarmaqtalǵan júıesine ıe.
Sondaı-aq, QR ORK Basshysy Túrkitildes elderdiń Parlamenttik Assambleıasynyń ózara is-qımyldy keńeıtýge qyzyǵýshylyq tanytyp otyrǵanyn quptaıtynyn atap ótti.
QR Ortalyq referendým komıssııasynyń Tóraǵasy Nurlan Ábdirov pen QR ORK músheleri 2022 jylǵy 5 maýsymǵa taǵaıyndalǵan Qazaqstan Respýblıkasynyń Konstıtýııasyna ózgerister men tolyqtyrýlar engizý jónindegi respýblıkalyq referendýmǵa daıyndyq pen ony ótkizý barysy týraly egjeı-tegjeıli baıandap berdi.
Sondaı-aq, QR ORK músheleri delegaııa músheleriniń úgit jumystaryna, onyń ishinde komıssııalardyń qyzmetine, halyqaralyq baıqaýshylar men sheteldik BAQ ókilderiniń referendýmdy baıqaýǵa qatysýyna qatysty suraqtaryna jaýap berdi.
Shet memleketter men halyqaralyq uıymdardyń ortalyq saılaý organdarynyń ókilderi osy uıymdastyrylyp otyrǵan kezdesý úshin QR ORK múshelerine óz rızashylyqtaryn bildirip, respýblıkalyq referendým ótkizý isine tabys tiledi.
