ۋكراينا پرەزيدەنتى ۆلاديمير زەلەنسكي امەريكا قۇراما شتاتتارىنىڭ مەرلەرىن رەسەيلىك قالالارمەن قارىم-قاتىناستى ۇزۋگە جانە باۋىرلاس قالا وداقتارىن توقتاتۋعا شاقىردى، دەپ حابارلايدى «ادىرنا» ۇلتتىق پورتالى.
بۇل تۋرالى ۋكراينا مەملەكەتىنىڭ باسشىسى امەريكا قۇراما شتاتتارى مەرلەرىنىڭ جىل سايىنعى كونفەرەنتسياسىندا سويلەگەن سوزىندە ايتتى، دەپ حابارلايدى «ۋكراينفورم» ءتىلشىسى.
«الەم ءارتۇرلى تيرانيالاردى كوردى. ءارتۇرلى ۋاقىتتا. ءارتۇرلى جالاۋلار استىندا. ال ولاردىڭ بارلىعىن قاراپايىم حالىقتىڭ قۇقىقتارى مەن بوستاندىقتارىن اياققا تاپتايتىنى بىرىكتىرەدى. تيراندار جەرگىلىكتى ءوزىن-ءوزى باسقارۋدىڭ قۇقىقتارى مەن بوستاندىقتارىن مويىندامايدى. ال بوستاندىقتى تاڭدايتىن قالالارداعى ەركىن ادامدار تيرانداردىڭ "تاريحىنا" نۇكتە قويادى. ال وعان نۇكتە قويۋ ءۇشىن تيرانداردىڭ ەركىن الەممەن بايلانىسىن پايدالانۋعا جول بەرمەۋ كەرەك»، - دەدى زەلەنسكي.
ول امەريكانىڭ ونداعان قالالارى رەسەي فەدەراتسياسىنىڭ قالالارىمەن تۋىستاستىعىن ساقتاپ وتىرعانىن اتاپ ءوتتى. اتاپ ايتقاندا، چيكاگو مەن ماسكەۋ، دجەكسونۆيلل مەن مۋرمانسك، سان-ديەگو مەن ۆلاديۆوستوك، ولباني مەن تۋلا، ت.ب.
"بۇل بايلانىستار سىزگە نە بەرەدى؟ ەشتەڭە دە ەمەس. بىراق ولار رەسەيگە مۇنداي سوعىس باستالعاننان كەيىن دە وقشاۋلانباعانىن ايتۋعا مۇمكىندىك بەرەدى»، - دەپ قوستى ۋكراينا پرەزيدەنتى.
«ادىرنا» ۇلتتىق پورتالى.
