قۇتقارۋشىلار 2 ماۋسىمدا «سارباز جاعاجايى» اۋدانىندا سەرفينگپەن اينالىسامىن دەپ، سۋعا باتىپ كەتكەن ءجاسوسپىرىمنىڭ ءمايىتىن تاپتى. بۇل تۋرالى ماڭعىستاۋ وبلىسىنىڭ توتەنشە جاعدايلار دەپارتامەنتى جاريالادى، دەپ حابارلايدى “ادىرنا” ۇلتتىق پورتالى.
2005 جىلعى ءجاسوسپىرىم بەينەۋدەن كەلگەن. ماڭعىستاۋ وبلىستىق تجد-دان حابارلاعانداي، ءجاسوسپىرىم تەڭىزگە ارنايى تاقتايمەن (SUP-board) شىققان. ونىڭ ءمايىتى جاعادان ءجۇز مەتر قاشىقتىقتان تابىلدى.
«تاڭعى ساعات 8:35-تە كاسپي تەڭىزىندە تجد كۇشتىك قۇرىلىمى 2005 جىلعى ازاماتتىڭ ءمايىتىن تاۋىپ، سۋدان شىعاردى. ول 2 ماۋسىمدا سەرفينگ تاقتايىمەن ءجۇزىپ ءجۇرىپ، باتىپ كەتتى»، – دەدى اقتاۋ قالالىق توتەنشە جاعدايلار باسقارماسىنىڭ باس تەرگەۋشىسى ەسەن بوراشەۆ.
”ادىرنا” ۇلتتىق پورتالى
