شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان قالا تۇرعىندارىن قابىلداپ، وتىنىشتەرى مەن تىلەكتەرىن تىڭدادى، دەپ حابارلايدى “ادىرنا” ۇلتتىق پورتالى.
ءوتىنىش-تىلەكتەرىن بىلدىرۋشىلەردىڭ اراسىنان ەڭبەك ارداگەرى نابيرا جۇزباەۆا قالادا اتقارىلىپ جاتقان يدەولوگيالىق جۇمىستارعا العىس ايتا كەلىپ، ءبىلىم سالاسىنداعى بىرقاتار وزەكتى ماسەلەلەردى كوتەردى. ال قالا تۇرعىنى شىنىكۇل اسقاروۆا قىزىن ۇبت تاپسىرۋدىڭ ەكىنشى كەزەڭىنە جىبەرۋدى سۇرانادى.
قوعامدىق قابىلداۋعا كەلگەن تۇرعىنداردىڭ ءبىرى بالاسىنىڭ ەمىنە قاتىستى كومەك سۇراسا، تاعى ءبىر توپ اتا-انا ورىس سىنىپتارىنىڭ تاپشىلىعىن ايتتى.
تۇرعىنداردىڭ مۇقيات تىڭداعان شىڭعىس جۇمابەكۇلى قابىلداۋعا كەلگەن دەنساۋلىق ساقتاۋ جانە ءبىلىم بەرۋ باسقارمالارىنىڭ وكىلدەرىنە ءتيىستى تاپسىرما بەرىپ، ماسەلەنى باقىلاۋعا الاتىنىن ايتتى.
ايتا كەتەيىك، شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان ءار اپتانىڭ جۇماسى كۇنى ازاماتتاردى جەكە قابىلدايدى. بۇل قابىلداۋعا 8 (7252) 24-71-61 تەلەفونى ارقىلى جانە قالا اكىمدىگىنە كەلىپ، ءوتىنىش قالدىرىپ، الدىن الا جازىلۋعا بولادى.
”ادىرنا” ۇلتتىق ءبولىمى
