بۇگىن تۇركى كەڭەسى اياسىنداعى تۋريزم سالاسىنا قاتىستى “زامانۋي جىبەك جولى” جاباسى بويىنشا 12 وتىرىسى الماتى قالاسىندا ءوتتى. باستى تاقىرىپ-تۇركى كەڭەسىنە مۇشە ەلدەر اراسىندا اراسىنداعى تۋريزم سالاسىن دامىتۋ ماقساتىندا قولعا الىنعان “زامانۋي جىبەك جولى” جوباسى. ءسوزىم تۇسىنىكتى بولۋ ءۇشىن ايتا كەتەيىك، 2009 جىلدىڭ 3 قازانىندا ءازىربايجاننىڭ ناحچىۆان قالاسىندا تۇركىتىلدەس مەملەكەتتەردىڭ باسشىلارىنىڭ Iح سامميتىندە قازاقستان رەسپۋبليكاسىنىڭ پرەزيدەنتى ن. نازارباەۆتىڭ ۇسىنىسىمەن قۇرامىنا: ءازىربايجان، قازاقستان، قىرعىزستان، تۇركيا مۇشە بولىپ ەنگەن- تۇركىتىلدەس مەملەكەتتەر ىنتىماقتاستىعىنىڭ كەڭەسى (تتمىك) دۇنيەگە كەلگەن بولاتىن. اتاۋىنان دا اڭعارىلىپ تۇرعانداي ۇيىمنىڭ العا قويعان ماقساتى-تاريحي مەن مادەنيەتى ءبىر، ءتىلى مەن ءدىلى، ءدىنى ادەت-عۇرپى، سالت-ءداستۇرى ورتاق تۇركىتىلدەس حالىقتارىنىڭ بىرلىگىن نىعايتۋ، ەكەندىگى ايتىلادى. الماتىدا وتكەن اتالمىش شاراعا تۇركى كەڭەسىنە مۇشە ەلدەردەن ادامدار كەلگەن. تۇركى كەڭەسى باس حاتشىسىنىڭ ورىنباسارى ومەر كودجاماننىڭ ايتۋى بويىنشا، 2014 جىلى بودرۋمدا وتكەن تۇركى كەڭەسىنىڭ شەشىمىنە سايكەس قازاقستان، تۇركيا، قىرعىزستان مەن ءازىربايجاننىڭ تاريحي مادەني مۇرالارىن الەمدىك دەڭگەيدە ناسيحاتتاي وتىرىپ، اتالعان ەلدەردىڭ تۋريزم سالاسىن دامىتۋ ماقسات ەتىلگەن.
“حالىقارالىق تۋريزم نارىعىنداعى سوڭعى ۇدەرىس- تۋريستتەر جاعاجاي، تەڭىزبەن شەكتەلمەي شەت ەلدەردەگى مادەني مۇرالاردى تانۋعا ۇمتىلادى. قازاقستانداعى الماتى، تاراز، شىمكەنتپەن تۇركىستانداعى تاريحي ەسكەرتكىشتەر، ارىستانباب، اقساق تەمىر، قوجا احمەت ياساۋي سىندى الەمگە تانىمال تۇلعالار، ورتا ازياعا ءتان ارحيتەكتۋرا جاتجۇرتتىقتاردىڭ قىزعۋشىلىعىن وياتارى ءسوزسىز. ءبىز ۇسىناتىن پاكەتتەر ەۋروپامەن اقش نارىعىنداعى باعامەن سالىستىرعاندا ەداۋىر ارزان. ال تۇركيا مەن باسقا ەلدەر ءۇشىن تۋريستەردىڭ قالتاسىنا سالماق تۇسىرمەيتىندەي جاعدايلار قاراستىرىلۋدا دەدى ءسوزىن قورتىندىلاپ. وتىرىستا تۇركيانىڭ الماتىداعى باس كونسۋلى رىزا قاعان يىلماز مىرزا ەكى ەلدىڭ تۇركيا مەن قازاقستاننىڭ اراسى ۋاقىت وتكەن سايىن جاقىنداسىپ، تۋريستتەردىڭ دە كوپتەپ ەكى ەل اراسىنا جۇرە باستاعانىن تىلگە تيەك ەتتى. “زامانۋي جىبەك جولى” جوباسى تۇركى ەلدەرىنىڭ ءبىرىن-بىرىنە تانىلۋىنا، ناسيحاتتالۋىنا سەپ بولارى انىق. “تۇركى كەڭەسىنىڭ شەشىمىمەن 2018 جىلدى “تۋريزم جىلى” دەپ اتاپ، استاناسىن ترويا قالاسىنا بەكىتتى. كەلگەن ءار قوناقتى ءبىز كاستامونۋعا، كونيا، سيۆاس، تروياعا سيقىرلى ستامبۋلعا شاقىرامىز، جانە بيىلعى جىلى قازاق ەلىنەن تۇركياعا 500 مىڭنان استام قوناق كەلەدى دەپ جوسپارلاپ وتىرمىز”-, دەپ ءسوزىن قورتىندىلادى تۇركيانىڭ قازاقستانداعى اتاشەسى ءنۇري شيمشەكلەر. زامانۋي جىبەك جولى جوباسى تۋرالى تولىق اقپاراتتى www.modernsilkroadtour.com ارقىلى الۋعا بولادى.
ايدا كوجمامبەتوۆا،
الماتى قالاسى
