2018 jyl Týrızm jyly bolyp belgilendi.

2720
Adyrna.kz Telegram

Búgin Túrki keńesi aıasyndaǵy týrızm salasyna qatysty “ZAMANÝI JIBEK JOLY” jabasy boıynsha 12 otyrysy Almaty qalasynda ótti. Basty taqyryp-Túrki keńesine múshe elder arasynda arasyndaǵy týrızm salasyn damytý maqsatynda qolǵa alynǵan “Zamanýı Jibek Joly” jobasy. Sózim túsinikti bolý úshin aıta keteıik, 2009 jyldyń  3 qazanynda Ázirbaıjannyń Nahchyvan qalasynda túrkitildes memleketterdiń basshylarynyń IH sammıtinde Qazaqstan Respýblıkasynyń Prezıdenti N. Nazarbaevtyń usynysymen quramyna: Ázirbaıjan, Qazaqstan, Qyrǵyzstan, Túrkııa múshe bolyp engen- Túrkitildes memleketter yntymaqtastyǵynyń keńesi (TTMYK) dúnıege kelgen bolatyn. Ataýynan da ańǵarylyp turǵandaı uıymnyń alǵa qoıǵan maqsaty-tarıhı men mádenıeti bir, tili men dili, dini  ádet-ǵurpy, salt-dástúri ortaq túrkitildes  halyqtarynyń birligin nyǵaıtý,  ekendigi  aıtylady. Almatyda ótken atalmysh sharaǵa Túrki keńesine múshe elderden adamdar kelgen.  Túrki keńesi bas hatshysynyń orynbasary Ómer Kodjamannyń aıtýy boıynsha, 2014 jyly Bodrýmda ótken Túrki keńesiniń sheshimine sáıkes Qazaqstan, Túrkııa, Qyrǵyzstan men Ázirbaıjannyń tarıhı mádenı muralaryn álemdik deńgeıde nasıhattaı otyryp, atalǵan elderdiń týrızm salasyn damytý  maqsat etilgen.

“Halyqaralyq týrızm naryǵyndaǵy sońǵy úderis- týrıstter jaǵajaı, teńizben shektelmeı shet elderdegi mádenı muralardy tanýǵa umtylady. Qazaqstandaǵy Almaty, Taraz, Shymkentpen Túrkistandaǵy tarıhı eskertkishter, Arystanbab, Aqsaq Temir, Qoja Ahmet Iasaýı syndy álemge tanymal tulǵalar, Orta Azııaǵa tán arhıtektýra jatjurttyqtardyń qyzǵýshylyǵyn oıatary sózsiz. Biz usynatyn paketter Eýropamen AQSh naryǵyndaǵy baǵamen salystyrǵanda edáýir arzan. Al Túrkııa men basqa elder úshin týrısterdiń qaltasyna salmaq túsirmeıtindeı jaǵdaılar qarastyrylýda dedi sózin qortyndylap. Otyrysta Túrkııanyń Almatydaǵy Bas konsýly Ryza Qaǵan Iylmaz myrza eki eldiń Túrkııa men Qazaqstannyń arasy ýaqyt ótken saıyn jaqyndasyp,  týrıstterdiń de kóptep eki el arasyna júre bastaǵanyn tilge tıek etti. “Zamanýı Jibek joly” jobasy túrki elderiniń birin-birine tanylýyna, nasıhattalýyna sep bolary anyq. “Túrki keńesiniń sheshimimen 2018 jyldy “Týrızm jyly” dep atap, astanasyn Troıa qalasyna bekitti. Kelgen ár qonaqty biz  Kastamonýǵa, Konıa, Sıvas, Troıaǵa sıqyrly Stambýlǵa shaqyramyz, jáne bıylǵy jyly Qazaq elinen Túrkııaǵa 500  myńnan astam  qonaq keledi dep josparlap otyrmyz”-, dep sózin qortyndylady Túrkııanyń Qazaqstandaǵy atashesi Núrı Shımshekler. Zamanýı Jibek Joly jobasy týraly tolyq aqparatty www.modernsilkroadtour.com arqyly alýǵa  bolady.


 Aıda Kojmambetova,

Almaty qalasy

Pikirler