بۇگىن سىر ەلىندە حالىقارالىق بالالاردى قورعاۋ كۇنىنە ارنالعان «باق وردانىڭ باقىتتى بالالارى» سالتاناتتى شاراسى وتكىزىلدى. 6000-عا جۋىق بالا قاتىسقان دۋماندى شارا مەرەكەلىك اتريبۋتتارمەن ايشىقتالدى.
ورتالىق ستاديوندا ۇيىمداستىرىلعان ءىس-شاراعا ايماق باسشىسى نۇرلىبەك نالىباەۆ قاتىسىپ، بالالاردىڭ قولىنان شىققان قولونەر بۇيىمدارى ورنالاسقان ارنايى كورمەنى ارالاپ كورءدى. سونداي-اق، وقۋشىلار ۇيىنەن اشىلعان ارنايى ستۋديادا جۋرناليستيكاعا ماشىقتانىپ جۇرگەن بالالارعا دا سۇحبات بەرىپ، تىلدەستى.
وبلىس اكىمى بارشا سىربويىلىق بالالاردى مەرەكەمەن قۇتتىقتاپ، اقجارما تىلەگىن ارنادى.
- بارشاڭىزدى 1 ماۋسىم – حالىقارالىق بالالاردى قورعاۋ كۇنىمەن شىن جۇرەكتەن قۇتتىقتايمىن! بۇگىن بالالارىمىز ءۇشىن ەستەن كەتپەس كەرەمەت مەرەكە!
ءبىز ەل بولاشاعى – بىلىكتى دە ءبىلىمدى ۇرپاق قالىپتاستىرۋدا بارلىق مۇمكىندىكتەرگە جول اشامىز.
بيىل ءالەۋمەتتىك قولداۋدى قاجەت ەتەتىن 500 بالاعا سپورت كەشەندەرىنە تەگىن ابونەمەنت بەرىلدى. سونداي-اق,اتا-اناسىنىڭ قامقورلىعىنسىز قالعان 1030 بالا جاڭا تيپتەگى ەلەكتروندى وقۋ قۇرالدارىمەن قامتاماسىز ەتىلدى.
جازعى ماۋسىم كەزەڭىندە 1 مەن 10 سىنىپ ارالىعىنداعى وقۋشىلاردىڭ 97 پايىزى ءار ءتۇرلى ساۋىقتىرۋ، جۇمىسپەن قامتۋ، ۇيىرمە، ەكسكۋرسيامەن قامتىلاتىن بولادى.
"بالالار جىلىنا" تارتۋ رەتىندە بيىل دەمەۋشىلەر ەسەبىنەن قالامىزدا 1 ملرد. تەڭگەگە 50-گە تارتا، ودان بولەك اۋداندارعا 30-دان استام سپورت-ويىن الاڭدارى پايدالانۋعا بەرىلەدى.
سونىمەن قاتار، جوسپارعا سايكەس 400-دەن اسا ءىرى كولەمدى شارا وتكىزىلىپ، وعان 165 مىڭنان استام بالا قامتىلاتىن بولادى» - دەدى وبلىس اكىمى نۇرلىبەك نالىباەۆ.
مەرەكەلىك ءىس-شارانىڭ نەگىزگى بولىگى – بالالارعا سىيلىقتاردى ۇلەستىرۋمەن جالعاستى. وبلىس اكىمى نۇرلىبەك نالىباەۆ حالىقارالىق، رەسپۋبليكالىق ءبىءلىم دودالارىندا جەڭىمپاز اتانعان 10 بالاعا نوۋتبۋك سىيعا تارتتى. ال، اتا-اناسىنىڭ قامقورلىعىنسىز قالعان 100 بالاعا ۆەلوسيپەد تابىستادى. سونداي-اق، ءار اۋداندا 50 بالاعا ۆەلوسيپەد بەرىلدى.
مۇنان بولەك، تءۇرلى الەۋمەتتىك ساناتتاعى وتباسىلاردان شىققان، وقۋدا ۇزدىك اتانعان 20 وقۋشىعا كوكشەتاۋ قالاسىنداعى لاگەرگە جولداما الدى.
ايتا كەتەيىك، جىل سوڭىنا دەيىن اتاۋلى داتا اياسىندا 408 ءىرى كولەمدى شارا وتكىزىلىپ، 165 مىڭنان استام بالاقامتىلادى.
مەرەكەلىك شارا تانىمال ەسترادا جۇلدىزدارىنىڭ قاتىسۋىمەن كونتسەرتتىك باعدارلاماعا ۇلاستى.
