Búgin Syr elinde Halyqaralyq balalardy qorǵaý kúnine arnalǵan «Baq Ordanyń baqytty balalary» saltanatty sharasy ótkizildi. 6000-ǵa jýyq bala qatysqan dýmandy shara merekelik atrıbýttarmen aıshyqtaldy.
Ortalyq stadıonda uıymdastyrylǵan is-sharaǵa aımaq basshysy Nurlybek Nálibaev qatysyp, balalardyń qolynan shyqqan qolóner buıymdary ornalasqan arnaıy kórmeni aralap kórdi. Sondaı-aq, oqýshylar úıinen ashylǵan arnaıy stýdııada jýrnalıstıkaǵa mashyqtanyp júrgen balalarǵa da suhbat berip, tildesti.
Oblys ákimi barsha syrboıylyq balalardy merekemen quttyqtap, aqjarma tilegin arnady.
- Barshańyzdy 1 maýsym – Halyqaralyq balalardy qorǵaý kúnimen shyn júrekten quttyqtaımyn! Búgin balalarymyz úshin esten ketpes keremet mereke!
Biz el bolashaǵy – bilikti de bilimdi urpaq qalyptastyrýda barlyq múmkindikterge jol ashamyz.
Bıyl áleýmettik qoldaýdy qajet etetin 500 balaǵa sport keshenderine tegin abonement berildi. Sondaı-aq,ata-anasynyń qamqorlyǵynsyz qalǵan 1030 bala jańa tıptegi elektrondy oqý quraldarymen qamtamasyz etildi.
Jazǵy maýsym kezeńinde 1 men 10 synyp aralyǵyndaǵy oqýshylardyń 97 paıyzy ár túrli saýyqtyrý, jumyspen qamtý, úıirme, ekskýrsııamen qamtylatyn bolady.
"Balalar jylyna" tartý retinde bıyl demeýshiler esebinen qalamyzda 1 mlrd. teńgege 50-ge tarta, odan bólek aýdandarǵa 30-dan astam sport-oıyn alańdary paıdalanýǵa beriledi.
Sonymen qatar, josparǵa sáıkes 400-den asa iri kólemdi shara ótkizilip, oǵan 165 myńnan astam bala qamtylatyn bolady» - dedi oblys ákimi Nurlybek Nálibaev.
Merekelik is-sharanyń negizgi bóligi – balalarǵa syılyqtardy úlestirýmen jalǵasty. Oblys ákimi Nurlybek Nálibaev halyqaralyq, respýblıkalyq bilim dodalarynda jeńimpaz atanǵan 10 balaǵa noýtbýk syıǵa tartty. Al, ata-anasynyń qamqorlyǵynsyz qalǵan 100 balaǵa velosıped tabystady. Sondaı-aq, ár aýdanda 50 balaǵa velosıped berildi.
Munan bólek, túrli áleýmettik sanattaǵy otbasylardan shyqqan, oqýda úzdik atanǵan 20 oqýshyǵa Kókshetaý qalasyndaǵy lagerge joldama aldy.
Aıta keteıik, jyl sońyna deıin ataýly data aıasynda 408 iri kólemdi shara ótkizilip, 165 myńnan astam balaqamtylady.
Merekelik shara tanymal estrada juldyzdarynyń qatysýymen konerttik baǵdarlamaǵa ulasty.
